قازاقستاندا جالپى حالىق سانى 236,4 مىڭ ادامعا (1,3%) وسكەن. ال ەلدەن كەتكەندەر سانى 19,8%-عا ارتىپ وتىر. بۇل تۋرالى ۇلتتىق ەكونوميكا مينيسترلىگىنىڭ ستاتيستيكا كوميتەتى حابارلادى.

حالىق سانى بىلتىرعىمەن سالىستىرعاندا 2019 جىلعى 1 ماۋسىمدا 18 ملن 489,7 مىڭ ادامعا جەتتى. بيىل قاڭتار جانە مامىر ارالىعىندا رەسپۋبليكادا 1 جاسقا دەيىنگى 1459 ءسابي شەتىنەگەن (بىلتىرعى كورسەتكىش 1366). ال نارەستە كەزىندە شەتىنەۋ كوەففيتسيەنتى ءار 1000 نارەستەگە 9,04-تەن تۋرا كەلگەن. جۇكتىلىك كەزىندەگى اۋرۋ-سىرقاۋ سالدارىنان بيىلعى بەس ايدا 772 نارەستە كوز جۇمعان.

ءدال وسى ايدا قازاقستانعا كەلۋشىلەردىڭ سانى 10,8%-عا قىسقارىپ، كەتكەندەر سانى 19,8%-عا وسكەن. ەل ىشىندەگى كوشىپ-قونۋشىلار سانى 19% وسكەن. وڭىرارالىق كوشى-قوننىڭ وڭ سالدوسى ماڭعىستاۋ وبلىسىندا (515 ادام) جانە شىمكەنت (4 144), نۇر-سۇلتان (10 936) جانە الماتى (11 540) قالالارىندا بايقالىپ وتىر. ەسەپتى كەزەڭدە قالا تۇرعىندارىنىڭ جالپى سانى 10 ملن 767,6 مىڭ ادامعا جەتكەن. قالالىقتاردىڭ جالپى پايىزى 58,2%. اۋىلداردا جالپى 7 ملن 722,1 مىڭ ادام. بۇل – رەسپۋبليكا حالقىنىڭ 41,8%-ى.

"The Qazaq Times"