قازاق تايمستىڭ بۇگىنگى "TalkTOR"-ىندە ەنتسيكلوپەديست، تاۋەلسىز جۋرناليست، ازاتتىق راديوسىنىڭ ءتىلشىسى اسىلحان ماماشۇلى.

قازاقستاندا سوڭعى كەزدەردە قوعامدىق رەزونانس تۋدىرعان ارىس وقيعاسىنا بايلانىستى تاۋەلسىز باق وكىلى رەتىندە بەلسەندى اقپارات تاراتىپ، جارىلىستان كەيىنگى توتەنشە جاعداي جاريالانعاننان باستاپ ءبىر جۇماداي كۋاگەرى بولعان ءجۋرناليستىڭ ارىستىقتاردىڭ باسىنان وتكەرگەن قيىن جاعدايى، جارىلىس ساتىندەگى حالىقتىڭ وزدىگىنەن ەۆاكۋاتسيالاۋى، سونىمەن قاتار  وبلىس اكىمى مەن شىمكەنت قالاسىنىڭ اكىمدەرىنىڭ  «اقمەشىت» ورتالىق مەشىتىندەگى نارازى ارىستىقتارمەن ءتىل تابىسا الماي، قالانىڭ ورتالىق الاڭىنا دەيىنگى بەيبىت شەرۋگە ۇلاسقان ستيحيالى جيىننىڭ ورىن الۋى، يمامداردىڭ مەدياتورلىق ميسسيامەن اينالىسۋى، اشىنعان نارازىلاردىڭ ورتاق تالاپتارىنىڭ جۇيەلەنبەۋى، تالاپتارىنىڭ شاشىراڭقىلىعى تۋرالى ءسوز قوزعالدى. سونداي-اق ءداستۇرلى-رەسمي (مەملەكەتتىك، جەرگىلىكتى) جانە تاۋەلسىز باق، الەۋمەتتىك جەلى اقپاراتتارىنىڭ شىنايىلىعى ءارى ءوز ۋاقىتىندا تارالۋى جايىندا دا ءبىرشاما تۇجىرىمدى پىكىرلەرىمەن بولىسكەن كاسىبي ءجۋرناليستىڭ جاعدايدى كوزبەن كورگەندەگى اسەرى، شىنايى اقپاراتقا قاتىستى وزىندىك سۇزگى-كريتەريلەرى، قورعانىس ءمينيسترىنىڭ كوپتىڭ سىنىنا ۇشىراعان تج-دى «تابيعي اپات» دەپ مالىمدەمەسىنە قاتىستى جەكە كوزقاراسى، ارىستىقتاردىڭ بۇلىنگەن مۇلىكتەرىنىڭ بۇگىنگى جاي-جاپسارى جايىندا اقتارىلا ايتقان وي-پىكىرىمەن تانىسا الاسىز.

"The Qazaq Times"