وزبەكستان جەكە دەرەكتەردى قورعاۋ تۋرالى زاڭ قابىلدادى.

وزبەكستاندا جەكە ادامنىڭ ءومىربايانىن، جەكە ءومىرىن، تۇراتىن جەرىن، كاسىبىن، ساياسي جانە ءدىني كوزقاراسىن سۋبەكتىنىڭ كەلىسىمىنسىز تاراتۋعا تىيىم سالىندى.  اتالعان زاڭ 2019 جىلعى 1 قازاندا كۇشىنە ەنەدى. زاڭعا سايكەس، جەكە دەرەكتەردى رەتتەۋدى ۇكىمەت پەن وسى سالاداعى قۇزىرەتتى ورگان جۇزەگە اسىرادى.

"وزبەكستان رەسپۋبليكاسىنىڭ كونستيتۋتسياسىنا سايكەس ءاربىر ازامات جەكە ءومىرى مەن ار-نامىسىن قورعاۋعا قۇقىلى", - دەدى ولي سەناتىنىڭ وكىلى بويماتجون راسۋلوۆ.

جالپى، ادامنىڭ جەكە دەرەكتەرى مەملەكەتتىك ورگاندارعا، الەۋمەتتىك قىزمەت كورسەتۋ ورتالىقتارىنا جانە دە باسقا ءتۇرلى ۇيىمداردىڭ قىزمەتىنە جۇگىنگەن كەزدە  بازادا ساقتالىپ قالادى. اتالعان زاڭدا جەكە دەرەكتەردى وڭدەۋگە قاتىستى شارتتارى مەن تالاپتارى، سونداي-اق، جەكە داتانى وڭدەۋگە رۇقسات بەرۋ نە كەلىسىم بەرمەۋدىڭ دە ءتارتىبى كورسەتىلگەن.

"The Qazaq Times"