الەمنىڭ ەڭ ءىرى ەكونوميكاسىنا يە 20 ەلدىڭ ليدەرلەرى جاپونيانىڭ وساكا قالاسىندا سامميت وتكىزۋدە. سونداي-اق، «ۇلكەن جيىرمالىق» سامميتىنە ەۋروپا وداعى ەلدەرى مەن G20-عا كىرمەيتىن بىرقاتار ەلدەردىڭ ليدەرلەرى دە شاقىرىلعان.

كەزەكتى «ۇلكەن جيىرمالىق» سامميتىندە الەم ەلدەرى ليدەرلەرىنىڭ باستى نازار اۋدارعان ماسەلەلەرى اقش پەن يران اراسىنداعى سوعىس قاۋپىنە جاقىنداي تۇسكەن قايشىلىق جانە اقش-قىتاي اراسىنداعى ساۋدا سوعىسى ماسەلەلەرى بولدى.

سامميت باستالۋدان بۇرىن دا ءار ەل باسشىلارى جاساعان مالىمدەمەلەرى دە اقش پەن يران قايشىلىعى جانە ساۋدا سوعىسى تاقىرىپتارىن كوبىرەك ءسوز ەتتى. بىرىككەن ۇلتتار ۇيىمىنىڭ  باس حاتشىسى انتونيۋ گۋتەررەش تە ءوز سوزىندە اقش-يران قايشىلىعىنىڭ الەمگە كەرى اسەر ەتىپ وتىرعانىن ايتا كەلىپ، تاراپتاردى قايشىلىقتى رەتتەۋگە شاقىردى.

پرەزيدەنت ترامپ وساكاعا اتتاناردان بۇرىن دا اق ۇيدە جاساعان مالىمدەمەسىن كەزەكتى ساپارىندا يران جانە قىتايمەن قارىم-قاتىناستى باستى كۇن تارتىپكە قوياتىنىن ايتقان بولاتىن. اقش پرەزيدەنتى بۇل ماقساتتا بىرقاتار كەزدەسۋلەر جاسادى. سونىڭ قاتارىندا، جاپونيا، رەسەي، تۇركيا جانە قىتاي باسشىلارىمەن جەكەلەگەن كەزدەسۋلەر دە بار.

“The Qazaq Times”