قاراعاندىدا كوپ قاباتتى تۇرعىن ءۇي ورتەنىپ، ءۇش بالا گازعا ۋلاندى

قاراعاندى قالاسىنداعى كوپقاباتتى ۇيلەردىڭ بىرىنەن ءورت شىعىپ،  ۇش بالا گازعا ۋلاندى. بۇل تۋرالى توتەنشە جاعدايلار قىزمەتى حابارلاپ وتىر.

4 اقپان كۇنى تۇنگى ساعات 22:00 شاماسىندا قاراعاندىنىڭ وكتيابر اۋدانىندا ءورت شىعىپ، 22:12-دە ءورت ءسوندىرۋ قىزمەتىنە حابار كەلىپ تۇسكەن. تەز ارادا ىسكە كىرىسكەن ماماندار جارتى ساعاتتىڭ ىشىندە تولىقتاي ءورتتى ءسوندىرىپ، توعىز قاباتتى تۇرعىن ءۇيدىڭ وزگە مەكەندەرىن امان الىپ قالعان. سونىمەن بىرگە وقيعا بولعان ءۇيدىڭ ىشىنەن 2011,2014 جانە 2018 جىلعى ءۇش بالا گازعا ۋلانىپ قالعاندىعى دا انىقتالدى. قازىرگى تاڭدا ءورتتىڭ نەدەن شىققاندىعى تەكسەرىلۋدە.

ەستەرىڭىزگە سالا كەتەيىك،  وسىدان ەكى كۇن بۇرىن استانا قالاسىنداعى جەكە تۇرعىن ۇيلەردىڭ بىرىندە بولعان ءورت سالدارىنان بەس بىردەي ءبۇلدىرشىن كوز جۇمدى. الەۋمەتتىك جەلىلەر مەن باق بەتتەرىندە قايعىلى وقيعاعا قابىرعاسى قايىسىپ، كوڭىل ايتقان جۇرتتىڭ سانىندا ەسەپ جوق. اتالعان قايعىلى وقيعا ءورتتىڭ سالدارىن عانا قامتىماي، الەۋمەتتىك جاعدايدىڭ تومەندىگىنەن حابار بەرگەندەي بولدى. سەبەبى، قاراۋسىز قالعان بۇلدىرشىندەر سول ءتۇنى اتا-اناسىنىڭ قاراۋىنسىز قاعان.

"The Qazaq Times"