وزبەكستان رەسپۋبليكاسىنىڭ كونستيتۋتسياسىنا 26 جىل تولۋىنا بايلانىستى حالىقارالىق فورۋم بارىسىندا وزبەكستان پرەزيدەنتى شاۆكات ميرزيەەۆ مەملەكەتتىڭ ساياسي جانە زاڭ تاقىرىپتارى تۋرالى مالىمدەمە جاسادى. جيىن بارىسىندا سوت قىزمەتكەرلەرىنىڭ ءالى دە بولسا ادىلەتسىز جۇمىس جاساپ وتىرعاندىعىن العا تارتىپ، ءوز پىكىرىن ءبىلدىردى.

«ادىلدىك قاشان ورنايدى؟ سۋديالار مەن سوت ورىندارى قاشان زاڭعا باعىنىپ، ءادىل ءارى ادال جۇمىس ىستەيدى. وكىنىشكە وراي، كەيبىر سۋديالار الىدە بولسا دۇرىس ەمەس شەشىم شىعارىپ، ازاماتتاردىڭ ءادىل سوتقا دەگەن سەنىمى جوعالىپ بارادى » دەپ قۇقىق بۇزۋشىلاردى جازالاۋشى ورىنعا سىني پىكىرىن جەتكىزدى.

سونىمەن قاتار، وزبەكستان پرەزيدەنتى سۋديالاردى تاڭداۋ بارىسىندا ادىلدىك پەن دەموكراتيانىڭ قاتاڭ ساقتالۋىن تالاپ ەتتى. سەبەبى، اتالعان ورىنعا ۇمىتكەر بارلىق كانديداتتاردى تاڭداۋ كەزىندە قوعامنىڭ پىكىرىمەن ساناسۋ كەرەكتىگىن مالىمدەدى.

ەستەرىڭىزگە سالا كەتەيىك، بۇدان ءبىراز ۋاقىت بۇرىن وزبەكستان سوتى ءۇش جارىم اي بۇرىن قازا بولعان ادامعا ۇكىم شىعارىپ جازالاعان بولاتىن. الاياقتىق جولمەن اقشا جىمقىردى دەگەن ازامات اۋرۋعانا توسەگىنەن ءتىل تارتپاي كەتكەن. ءدال وسىنداي جاعدايدان كەيىن، وزبەكستان باسشىسى ىسىنە سالعىرت قاراعانداردى قاتاڭ جازاعا تارتاتىندىعىن دا جەتكىزدى.

“The Qazaq Times”