فوتو: pavlodarnews.kz

پرەزيدەنت تاپسىرماسى بويىنشا دۇنيەجۇزى قازاقتارىنىڭ قاۋىمداستىعى جانىنان "وتانداستار" قورى قۇرىلدى. اتالعان ۇيىم شەتتەگى قانداستارىمىزعا قۇقىقتىق قولداۋ كورسەتپەك. بۇل تۋرالى دۇنيەجۇزى قازاقتارىنىڭ قاۋىمداستىعى مالىمدەدى.

دۇنيەجۇزى قازاقتارىنىڭ بەسىنشى قۇرىلتايىندا ەلباسى نۇرسۇلتان نازارباەۆ وزگە ەلدەردە تۇرىپ جاتقان ەتنيكالىق قازاقتاردى قولداۋ كەرەكتىگىن ايتقان ەدى. سونىڭ نەگىزىندە «وتانداستار» قورى ءوز جۇمىسىن باستادى.

قور پرەزيدەنتى بولىپ ساياسي جانە قوعام قايراتكەرى نۇرتاي ابىقاەۆ تاعايىندالدى.

ازىرگە اتالعان قوردىڭ قىتاي ەلىندە قىسىم كورىپ، ساياسي ۇيرەنۋ ورتالىقتارىنا جاپپاي توعىتىلىپ جاتقان قانداستارىمىزعا قانشالىقتى كومەكتەسە الاتىنى بەلگىسىز.

“The Qazaq Times”