بولگاريا مەملەكەتىنىڭ قاۋىپسىزدىك ءمينيسترى كراسيمير كاراكاچانوۆ ناتو مەن ەۋروپا وداعىنان رەسەي مەن تۇركيانىڭ بالقانداعى ىقپالىن ازايتۋدى سۇراپ، ۇندەۋ جاسادى، دەپ حابارلايدى 24heures.ch

چەرنوگوريا ۇكىمەتى، اقش ەلشىلىگى جانە ناتو-نىڭ باستاماسىمەن چەرنوگوريانىڭ بۋدۆا قالاسىندا ۇيىمداستىرىلعان حالىقارالىق قاۋىپسىزدىك فورۋمىندا ءسوز العان بولگاريا قاۋىپسىزدىك ءمينيسترى ك.كاراكاچانوۆ، بالقانداعى ەلدەردىڭ ارەكەتىنە بايلانىستى بولگارياعا تونگەن قاۋىپكە الاڭدايتىنىن ءبىلدىردى.

«ساياساتىمىز ايدان انىق. مۇشەلىك ماسەلەسىنىڭ ناقتىلانىپ، ايماقتاعى بارلىق ەلدەردىڭ ەو پەن ناتو مۇشەسى بولعانىن قالايمىز. ەگەر، ناقتى ويلارىمىزدى ۇسىنباساق، عاسىرلار بويى وسى ايماقتا ىقپالىن جۇرگىزۋگە تىرىسقان ەلدەر ارەكەتكە كوشپەك. بۇل جەردە، ءبىز تۇركيا مەن رەسەي تۋرالى ايتىپ وتىرمىز. ەكى ەل دە 200 جىلدان بەرى بالقاندا»، - دەدى، ك.كاراكاچانوۆ. بريۋسسەل ساياساتىنىڭ ارقاسىندا تۇركيا مەن رەسەيدىڭ باتىس بالقانعا ىرىتكى سالىپ ءارى تۇراقسىزدىق ورناتۋ ارقىلى وسىنداعى ەلدەردىڭ ىشكى ماسەلەلەرىنە كيلىگىپ جۇرگەنىن تىلگە تيەك ەتكەن كاراكاچانوۆ، ەو-نىڭ وسى ماسەلەگە سالعىرت قاراماۋىن سۇرادى.

“The Qazaq Times”