دەح-ياك اۋدان ورتالىعىنا جاقىن ماڭدا تەررورلىق شابۋىل جاسالدى. فوتو: انادولى.

اۋعانستاننىڭ گازنە پروۆينتسياسىندا تاليبان قارۋلى كۇشتەرىنىڭ شابۋىلىنان 14 قاۋىپسىزدىك قىزمەتكەرى قازا تاپتى. جەرگىلىكتى رەسميلەردىڭ مالىمەتىنە قاراعاندا، قارۋلى توپ بىردەي ۋاقىتتا چاگاتۋ جانە دەح-ياك قاتارلى ەكى اۋدانعا شابۋىل جاساعان. بۇل تۋرالى «انادولى» اقپاراتتىق اگەنتتىگى حابارلادى.

مالىمەتكە قاراعاندا، گازنە كەڭەسىنىڭ دەپۋتاتى حاسان رەزا ءيۋسۋفيدىڭ بەرگەن مالىمەتىنە قاراعاندا، قازا بولعاندار اراسىندا دەح-ياك اۋدانىنىڭ پاليتسيا باسشىسى دا بار. ول جانە تاليبان شابۋىلىنان قازا بولعانداردىڭ سانى ءالى تولىق تۇراقتانباعان اتاپ ءوتتى.

كوپ وتپەي تاليبان مالىمدەمەشىسى زابيحۋللاح ءمۇدجاحيد مالىمدەمە تاراتىپ: «كەزەكتى قارۋلى شابۋىل ارقىلى ەكى اۋداندى باقىلاۋعا الدىق. شابۋىلدا 43 قاۋىپسىزدىك قىزمەتكەرىن جويدىق»، – دەدى.

سوڭعى كەزدە اۋعانستانداعى تەررورلىق توپتاردىڭ بەلسەندىلىگى كۇشەيىپ، ەل ۇكىمەتىنە قاراستى قارۋلى كۇشتەرگە ءجيى  شابۋىل جاساۋدا. تاليبان مەن دايش ۇيىمدارىنىڭ اۋعانستانداعى باقىلاۋىنا العان ايماقتارىنىڭ كولەمى اي سايىن كەڭەيىپ كەلەدى.

“The Qazaq Times”