باسەكەگە قابىلەتتى 50 ەلدىڭ قاتارىنا كىرۋ باستاماسى اياسىندا قولعا الىنعان ەلەكتروندىق ۇكىمەت ۆەب-پورتالى - بۇگىنگى تاڭدا 746 مەملەكەتتىك قىزمەت تۇرلەرىنىڭ 2/3 بولىگىن ەلەكتروندى تۇردە الۋعا مۇمكىندىك بەرەدى.

كۇن سايىن 30 مىڭعا جۋىق ازاماتتار ەلەكتروندىق ۇكىمەتتى قولدانۋعا تالاپ ءبىلدىرىپ، ەلەكتروندىق-تسيفرلىق قولتاڭبا الۋعا حالىققا قىزمەت كورسەتۋ ورتالىقتارىنا جۇگىنۋدە. 1 جىل مەرزىمىنە بەرىلەتىن تسيفرلىق قولتاڭبادان بولەك، پورتالعا كىرۋ ءموبيلدى ازاماتتار بازاسىندا تىركەلۋ ارقىلى دا قولجەتىمدى. جەكە ساندىق نومىرىنە ۇيالى تەلەفون نومەرىن تىركەۋ ەلەكتروندىق ۆەب-پورتال نەمەسە «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى جۇرگىزىلەدى. قازىرگى تاڭدا ءموبيلدى ازاماتتار ءۇشىن 44 مەملەكەتتىك قىزمەت ءتۇرى كورسەتىلەدى. ولار سۇرانىسقا يە مەكەن-جاي انىقتاماسى، سوتتالعان نەمەسە سوتتالماعاندىعى جونىندەگى سياقتى قاراپايىم انىقتاما تۇرلەرى مەن احاج بولىمىنەن الىناتىن تەلنۇسقالار جانە ت.ب. اقپاراتتار مەن يننوۆاتسيا زامانىندا قولعا الىنعان بۇل باستاما، ءوز ارتىقشىلارى مەن قولجەتىمدىلىگى ارقاسىندا ازاماتتار اراسىندا جوعارعى سۇرانىسقا يە. بۇگىندە ءموبيلدى ازاماتتار بازاسىندا تىركەلگەندەر سانى 2 ميلليونعا جەتكەن.

“The Qazaq Times”