استانادا جىل سايىن 3 مىڭنان اسا جالعان مەديتسينالىق انىقتاما ساتىلادى. بۇل تۋرالى قالالىق سىبايلاس جەمقورلىققا قارسى ءىس-قيمىل دەپارتامەنتىنىڭ باسشىلىعى ءمالىم ەتتى.

اگەنتتىك قىزمەتكەرلەرى ارنايى تەكسەرىس ۇيىمداستىرىپ، استانادا جالعان  مەديتسينالىق قۇجاتتاردى ساتىپ كەلگەن قىلمىستىق توپتى قولعا تۇسىرگەن. ءتىنتۋ كەزىندە كۇدىكتىلەردىڭ پاتەرىنەن 086 ۇلگىسىندەگى 200 انىقتاما بلانكىلەرى، 190 سانيتارلىق كىتاپشا جانە دارىگەرلەردىڭ 80-نەن استام ءمورى تابىلعان. ودان بولەك، مەديتسينالىق اناليزدەردىڭ ناتيجەلەرى، فليۋروگرافيالىق سۋرەتتەر جانە مەديتسينالىق دياگنوزدار جازىلعان كىتاپشالار تاركىلەنىپتى. قازىر وسى ىسكە قاتىستى سوتقا دەيىنگى تەرگەۋ امالدارى ءجۇرىپ جاتىر.

   “The Qazaq Times”