يەرۋساليمدە اقش ەلشىلىگى اشىلدى: مىڭداعان پالەستينالىق قارسىلىق ناۋقانىنا جينالۋدا

اقش پرەزيدەنتى دونالد ترامپ قىزى يۆانكا ترامپ پەن كۇيەۋ بالاسى ءارى اق ءۇيدىڭ باس كەڭەسشىسى دجارەد كۋشنەرمەن بىرگە يەرۋساليمدە امەريكانىڭ ەلشىلىگىن اشۋدا. بۇل تۋرالى بي-بي-سي اگەنتتىگى حابارلايدى.

ەلشىلىكتىڭ تەل-اۆيۆتەن يەرۋساليمگە كوشىرىلۋى شىعىس يەرۋساليمدى پالەستينالىقتاردىڭ بولاشاقتا استاناسى بولادى دەپ سانايتىن پالەستينالىقتاردىڭ نارازىلىعىن وياتىپ، جاپپاي قارسىلىق شاراسىنا ۇلاسۋدا.

ال، ۋاقىتشا ەلشىلىك اقش-تىڭ يەرۋساليمدەگى كونسۋلدىعىنىڭ عيماراتىندا بۇگىن جۇمىسىن باستاماق.  سالتاناتتى ءراسىم ءيزرايلدىڭ 70 جىلدىعىنا قارسى وتەدى. وعان پرەزيدەنتتەن بولەك، اقش-تىڭ قارجى ىستەرى جونىندەگى ءمينيسترى ستيۆەن منۋچەن مەن اقش مەملەكەتتىك حاتشىسىنىڭ كومەكشىسى دجون سالليۆان دا قاتىسادى.

يزرايل پرەمەر-ءمينيسترى بەندجامين نەتانياحۋ «بارلىق ەلدەردى اقش سەكىلدى ەلشىلىكتەرىن يەرۋساليمگە كوشىرۋگە» شاقىردى.

پالەستينا اۆتونومياسىنىڭ پرەزيدەنتى ماحمۇت ابباس دونالد ترامپتىڭ بۇل شەشىمىن «عاسىر قورلىعى» دەپ اتادى. ال، ەۋروپا وداعى ەلشىلىكتىڭ كوشىرىلۋىنە قاتىستى قارسىلىعىن ءبىلدىردى.

ەسكە سالايىق، گازا سەكتورى مەن يزرايل شەكاراسىنداعى قاندى تارتىپسىزدىكتەر 30 ناۋرىزدان بەرى جالعاسۋدا. پالەستينالىق قارسىلىق قوزعالىستى ۇيىمداستىرۋشىلار وسىلايشا يزرايل بيلىگىنە دەگەن ءوز نارازىلىقتارىن بىلدىرۋدە. 15 مامىر كۇنى مىڭداعان ادام قاتىساتىن اقتىق مارش وتەدى دەپ كۇتىلۋدە.

“The Qazaq Times”