قازاقستاندا اسكەري تىكۇشاق قۇراستىرىلادى

مي-8 جاۋىنگەرلىك تىكۇشاعى الماتى وبلىسىنداعى ارنايى ورتالىقتا قۇراستىرىلادى. بۇل تۋرالى قورعانىس جانە اەروعارىش ونەركاسىبى ءمينيسترى بەيبىت اتامقۇلوۆ ءمالىم ەتتى. اۋە كەمەسى بيىل قۇراستىرىلا باستايدى. 

"بيىل ءبىز قۇراستىرۋدىڭ ءبىرىنشى كەزەڭىنە كىرىسۋگە ءتيىسپىز. اتاپ ايتقاندا، بۇلار  وتە سەنىمدى تىكۇشاقتار. تەحنيكا ءتۇرلى سالالاردا ءوزىن جاقسى كورسەتە الدى. سوندىقتان جاقسى سۇرانىسقا يە بولىپ وتىر" - دەدى، ۆەدومستۆو باسشىسى.

بۇدان بولەك، 2016 جىلى قولدانىسقا بەرىلگەن اۆياتسيا تەحنيكاسىن قۇراستىرۋ، جوندەۋ جانە تەحنيكالىق قىزمەت كورسەتۋ جونىندەگى اۆياتسيالىق-تەحنيكالىق ورتالىق بازاسىندا 10 سوعىس ۇشاقتارىنا جانە 4 اسكەري-كولىك اۆياتسياسى اۋە كەمەلەرىنە كۇردەلى جوندەۋ جۇرگىزۋ جوسپارلانىپ وتىر. بۇل جۇمىستاردىڭ 30 پايىز كولەمىن تىكەلەي ورتالىق ورىندايدى ەكەن.

“The Qazaq Times”