وڭتۇستىك كورەيا پرەزيدەنتى ءمۇن جاين مەن سولتۇستىك كورەيا باسشىسى كيم جوڭ ۋننىڭ قاي جەردە كەزدەسەتىنى بەلگىلى بولدى.

وڭتۇستىك كورەيا پرەزيدەنت اكىمشىلىگى تاراتقان مالىمەت بويىنشا، ءمۇن جاين سولتۇستىك كورەيا باسشىسىمەن ەكى ەل اراسىنداعى دەماركاتسيالانعان ايماقتا كەزدەسپەك. كيم جوڭ ۋن مەن ءمۇن جاين بۇگىن جەرگىلىكتى ۋاقىت بويىنشا ساعات 10:30-دا باس قوسپاق. ايتا كەتەتىن ءبىر جايىت، وڭتۇستىك جانە سولتۇستىك كورەيا باسشىلارى سوڭعى رەت 65 جىل بۇرىن كەزدەسكەن.

ەستەرىڭىزگە سالايىق، بۇعان دەيىن سولتۇستىك كورەيا باسشىسى اقش ورتالىق بارلاۋ باسقارماسىنىڭ باسشىسى مايك پومپەومەن كەزدەسكەن. اتالمىش كەزدەسۋدەن كەيىن اق ءۇي اكىمشىلىگى دونالد ترامپ پەن كيم جوڭ ۋن ماۋسىم ايىندا  پراگا، ۆارشاۆا، حەلسينك، ستوكگولم، وسلو، جەنەۆا، بانكوك، سينگاپۋر نەمەسە ۇلان-باتىردا كەزدەسۋى مۇمكىن دەگەن اقپارات تاراتقان.

“The Qazaq Times”