ماكرون ترامپتى يرانمەن جاڭا كەلىسىمشارت جاساسۋعا شاقىردى

اقش پەن فرانتسيا پرەزيدەنتتەرى دونالد ترامپ پەن ەممانۋەل ماكروننىڭ كەزدەسۋى اقش-تىڭ بۇدان كەيىنگى يراننىڭ يادرولىق باعدارلاماسىنا باعىتتالعان بىرىككەن جوسپارعا قاتىسىپ-قاتىسپايتىنى تۋرالى ناقتى قورىتىندى شىعارمادى.

اق ءۇي باسشىسى تەھرانعا (تەگەران) باعىتتالعان قاتاڭ مالىمدەمەلەرىمەن عانا شەكتەلسە، ال فرانتسيا پرەزيدەنتى يراننىڭ يادرولىق باعدارلاماعا قاتىستى جاڭا كەلىسىمشارت اياسىندا اقش-پەن بىرىگىپ جۇمىس ىستەۋە دايىن ەكەنىن ايتتى.

اقش پرەزيدەنتى د.ترامپ: «مۇمكىندىك بار، الايدا ەشكىم دە مەنىڭ 12 مامىر كۇنى نە ىستەيتىنىمدى بىلمەيدى. پرەزيدەنت مىرزا، ءسىزدىڭ باستاماڭىز جامان ەمەس، بىراق ونى ءالى قاراستىرامىز. كەيبىر ادامدار كۇتكەن نارسەنى ىستەيمىن بە، جوق پا، كورەمىز. مىقتى تىرەككە نەگىزدەلگەن جاڭا كەلىسىمشارت جاساۋعا بولا ما، وعان دا كوز جەتكىزەمىز. سەبەبى، بۇگىنگى كەلىسىمشارتتىڭ قايماعى بۇزىلعان»، - دەدى.

يران ماسەلەسىنە قاتىستى كەلىسپەۋشىلىككە قاراماستان، ساراپشىلاردىڭ پىكىرىنشە، ەۋروپالىق وزگە ليدەرلەرمەن سالىستىرعاندا، ماكرون ترامپپەن مىقتى قارىم-قاتىناس ورناتا الادى.