فوتو: QT

"الاتاۋ" ءداستۇرلى ونەر تەاترىندا داۋلەسكەر كۇيشىلەر ونەر كورسەتتى. "ماڭگىلىك سارىن" اتاۋىمەن وتكەن كەشكە ەلىمىزدىڭ ءار ايماعىنان  كەلگەن مايتالمان ونەرپازدار قاتىستى.

مۇقىم جۇرت سەرجان شاكىراتوۆ، ابدۋلحاميت رايىمبەرگەنوۆ، ادىلبەك اتىعاەۆ، ايگۇل ۇلكەنباەۆا، جانعالي جۇزباەۆ سىندى شەبەر ورىنداۋشىلاردىڭ ونەرىنە ءتانتى بولدى. ولار باعزىدان جەتكەن شىعارمالاردى ناقىشىنا كەلتىرىپ ورىنداپ، كورەرمەنننىڭ ىقىلاسىنا بولەندى. كونتسەرتتى تاماشالاۋ تەگىن بولعاندىقتان، تەتارعا اعىلعان ادام سانىندا ەسەپ بولمادى. ساحنا مايتالماندارىنىڭ قاتىسۋىمەن وتكەن ساز كەشى ءاز-ناۋرىز مەرەكەسىنە ارنالعان ءىس-شارامەن اياقتالدى.

“The Qazaq Times”