رەسەي سىرتقى ىستەر ءمينيسترى سەرگەي لاۆروۆ: «باتىسپەن قارىم-قاتىناسىمىز «قىرعيقاباق سوعىس» كەزىندەگىدەن دە ناشار» – دەپ مالىمدەدى.

اقش، ۇلىبريتانيا جانە فرانتسيا قارۋلى كۇشتەرىنىڭ سۇرياعا جاساعان اۋە شابۋىلىنان كەيىن ۆۆس تەلەارناسىنا سۇحبات بەرگەن سەرگەي لاۆروۆ: «7 ءساۋىر كۇنى دۋمدا ءسۇريا اسكەريلەرىنىڭ حيميالىق قارۋ قولدانعانى جونىندە دالەل جوق، تەك قويىلىم (پوستانوۆكا) بار. نەگە اۋە شابۋىلى اتالمىش ايماقتى تەكسەرۋگە ءبىر كۇن قالعاندا جاسالدى. قازىر باتىس پەن رەسەي قارىم-قاتىناسى «قىرعيقاباق سوعىس» كەزىندەگىدەن دە ناشار كۇيدە. ءبىز باتىس ەلدەرىنە دەگەن سوڭعى سەنىمىمىزدى جوعالتىپ جاتىرمىز. «قىرعيقاباق سوعىس» كەزىندە ءبىزدىڭ ارامىزدا كوممۋنيكاتسيىلىق ارنالارىمىز جۇمىس ىستەدى. ول كەزدە رۋسوفوبيا، «گەنوتسيدكە» ۇقسايتىن سانكتسيا جاريالاۋ بولعان جوق» - دەگەن.

ەستەرىڭىزگە سالايىق، ءساۋىر ايىنىڭ 14-ءى كۇنى اقش، ۇلىبريتانيا جانە فرانتسيا قارۋلى كۇشتەرى سۇرياعا اۋە شابۋىلىن جاساعان. اقش رەسمي وكىلدەرىنىڭ سوزىنشە، سۇرياعا قاراتا 100-گە جۋىق قاناتتى زىمىراندار اتىلعان.

“The Qazaq Times”