«ەير استانا» دۇنيەجۇزىلىك ساياحاتتار سايتىنىڭ سىيلىعىمەن ماراپاتتالدى

دۇنيەجۇزىلىك ساياحاتتار سايتى TripAdvisor «ەير استانانى» Travelers’ Choice Awards 2018 سىيلىعىنىڭ «ايماقتىق ازيا تاسىمالداۋشىسى» نوميناتسياسىندا جەڭىمپاز دەپ جاريالادى، دەپ حابارلادى «ەير استانا» اق-نىڭ كورپوراتيۆتىك كوممۋنيكاتسيالار جونىندەگى دەپارتامەنتى.

ساياحاتتاۋشىلار بورتتاعى قىزمەت كورسەتۋدى، سالونداعى تازالىقتى، تاماق پەن سۋسىنداردى، كرەسلولار جايلىلىعىن، كرەسلو اراسىنداعى قاشىقتىعى، باعا مەن ساپانىڭ ۇزدىك ارا قاتىسىن، تىركەۋدى جانە كومپانيانىڭ ويىن-cاۋىق جۇيەسىن جوعارى باعالادى. ۇزدىك تاسىمالداۋشىلار 2017 جىلعى اقپاننان 2018 جىلعى اقپانعا دەيىن الەم بويىنشا كورسەتىلگەن رەيتينگ پەن پىكىرلەر سانى مەن ساپاسىن ەسكەرەتىن الگوريتم بويىنشا انىقتالعان.

«ەير استانا» جۇيەلى تۇردە رەيستەردى ورىنداۋدى 2002 جىلدىڭ 15 مامىرىندا باستادى جانە قازىر 60 استام حالىقارالىق جانە ىشكى رەيستەردەن تۇراتىن مارشرۋتتىق جەلىگە يە. كومپانيانىڭ فلوتى Boeing 767-300ER, Boeing 757-200, Airbus A320 جانە Embraer E190 ۇشاقتارىنان تۇرادى. «ەير استانا» تمد جانە شىعىس ەۋروپا ەلدەرىندەگى تاسىمالداۋشىلاردىڭ اراسىندا Skytrax حالىقارالىق اگەنتتىگىنىڭ 2012 جىلى بەدەلدى 4 جۇلدىزدى رەيتينگىن جانە «ورتالىق ازياداعى جانە ۇندىستانداعى ەڭ ءۇزدىڭ اۋە كومپانيا» سىيلىعىن العان العاشقى كومپانيا بولدى. ەكى سىيلىق تا 2013, 2014, 2015, 2016 جانە 2017 جىلدارى راستالدى.

“The Qazaq Times”