اقش ساۋدا دەپارتامەنتىنىڭ حاتشىسى روسس مالىمدەمەسىندە، لاتىن امەريكاسىنداعى ەلدەر ءۇشىن قىتايمەن ساۋدا جاساۋدان كورى اقش-پەن ساۋدا قاتىناسىن ورناتۋ تيىمدىرەك. ول قۇراما شتات بۇل ايماقتا قىتاي سەكىلدى اۆتوريتارلىق ەلدەرگە باسىمدىق بەرمەيتىنىن ايتتى. بۇل تۋرالى VOA اقپاراتتىق سايتى حابارلادى.

اقش ساۋدا وكىلى ۋيلبۋر. فوتو: VOA.

ۋيلبۋر روسس اتالعان پىكىرىن ليماداعى (پەرۋ استاناسى) لاتىن امەريكاسى ەلدەرىنىڭ سامميتىنەن ءبىر كۇن بۇرىن امەريكا قۇرلىعىنىڭ بيزنەس كوشباسشىلارى سامميتىندە ورتاعا سالدى. ول اقش-تىڭ لاتىن امەريكاسىنان يمپورت ەتەتىن ونىمدەردىڭ باسىم كوبى وندىرىستىك ونىمدەر بولسا، ال قىتاي تەك لاتىن امەريكاسىنان شيكىزات پەن اۋىل شارۋاشىلىق ونىمدەرى ەكەنىن العا تارتتى.

روسس سوزىندە: «وندىرىستىك ونىمدەردىڭ باعاسى جوعارى، سوندىقتان ەڭبەكاقى تولەۋدىڭ جوعارى مۇمكىندىگىن قامتاماسىز ەتە الادى. بۇل جەرگىلىكتى ەكونوميكاعا بارىنشا ءتيىمدى. بۇعان قوسا ءبىز وسى ءوڭىردىڭ باي تابيعي رەسۋرستارىن پايدالانىپ وتىرعان اۆتوريتارلى ەلگە ءوڭىردىڭ كوشباسشىلىعىن بەرىپ قويمايمىز»، – دەدى.

اقش قىتايدىڭ لاتىن امريكاسىنداعى ەكونوميكالىق ىقپالىنان الاڭداۋدا. فوتو: Finance & Loans.

وسىدان ءبىر اپتا بۇرىن اق ءۇي مالىمدەمەسىندە، پرەزيدەنتى دونالد ترامپ قۇراما شتاتتىڭ ساۋدا مۇمكىندىگىن ارتتىرۋ ماقساتىندا لاتىن امەريكا ەلدەرىنىڭ سامميتىنا قاتىسۋ كەرەكتىگىن، سونداي-اق لاتىن امەريكا ەلدەرىن قىتايدىڭ ەكونوميكالىق ىقپالىنا قارسى تۇرۋعا كوندىرۋ كەرەك ەكەنى ايتىلعان. بىراق، سوڭىندا ترامپ ءسۇريا داعدارىسى جانە وزگە دە وزەكتى ماسەلەلەرگە بايلانىستى سامميتكە قاتىسپايتىن بولعان.

قىتايدىڭ پەرۋدەگى باس ەلشىسى جيا گۋيدى. فوتو: Reuters.

قىتايدىڭ پەرۋدەگى ەلشىسى جيا گۋيدى (Jia Guide) سارسەنبى كۇنى «Reuters» اگەنتتىگىنىڭ سۇحباتىن قابىلداعاندا، قىتايدىڭ لاتىن امەريكاسىمەن بولعان ساۋدا قاتىناسى تۋرالى اقش-تىڭ اتالمىش ەسكەرتۋىنە جاۋاپ بەرگەن. ول سوزىندە: «ەگەر قۇراما شتات لاتىن امەريكاسى ەلدەرىن قىتاي-اقش ساۋدا سوعىسىنا تارتسا، بۇل ايماقتاعى ەلدەردى قۇرمەتتەمەگەندىك. قىتاي الدە قاشان كوپتەگەن لاتىن امەريكاسى ەلدەرىنىڭ ەڭ ۇلكەن نەمەسە ەكىنشى ورىنداعى ساۋدا سەرىگىنە اينالىپ بولدى. ءار كۇنى قىرۋار لاتىن امەريكا تاۋارى قىتاي نارىعىنا شىعادى»، – دەدى.

بۇل اقش-قىتاي اراسىنداعى ساۋدا قاقتىعىسى الداعى ۋاقىتتا لاتىن امەريكا ءۇشىن تالاس نەگىزىندە دە جالعاسۋى مۇمكىن ەكەنىن بىلدىرەدى.

“The Qazaq Times”