قازاقستان رەسپۋبليكاسىنىڭ ۇلتتىق بانكى بانكتىك ەمەس اقشا ايىرباستاۋ پۋنكتتەرىنە التىن ساتىپ الۋعا جانە ساتۋعا مۇمكىندىك بەرەتىن زاڭ جوباسىن ۇسىندى.

ءساۋىر ايىنىڭ 11-ءى كۇنى ۇلتتىق بانك توراعاسى دانيار اقىشەۆ ءماجىلىس وتىرىسىندا جاڭا زاڭ جوباسىن ۇسىندى. جاڭا زاڭ بويىنشا، بانكتىك ەمەس ايىرباستاۋ پۋنكتتەرىنە التىن ساتىپ الۋ مەن ساتۋعا جانە «ۆاليۋتا وپەراتسيالارىنا» بروكەرلىك قىزمەت كورسەتۋ كەلەسىمىنە سۇيەنە وتىرىپ قارجى قۇندىلىقتارىن سەنىمگەرلىك باسقارۋعا رۇقسات بەرىلەدى.

بۇدان بولەك جاڭا زاڭ جوباسىنا سايكەس، قۇندى قاعازدار نارىعىنىڭ كاسىبي قاتىسۋشىلارى ىشكى ۆاليۋتا نارىعىندا قولما-قول ەمەس شەتەل ۆاليۋتاسىن ساتىپ الۋعا جانە ساتۋعا قۇقىلى. زاڭ جوباسىن 2019 جىلدىڭ شىلدە ايىنىڭ 1-ىنەن باستاپ كۇشىنە ەنۋى مۇمكىن.

“The Qazaq Times”