قارجى ءمينيسترى باقىت سۇلتانوۆ «قازاقستان بيۋدجەتىنىڭ 2018 جىلعى شىعىنى 30 ميلليارد دوللاردى قۇرادى» – دەپ مالىمدەدى.

ءساۋىر ايىنىڭ 3-ءى كۇنى استانا قالاسىندا وتكەن ۇكىمەت وتىرسىندا باقىت سۇلتانوۆ ەل بيۋدجەتىنىڭ بيىلعى شىعىنى جونىندە مالىمدەمە جاسادى. مينيستر مىرزانىڭ سوزىنشە، 2018 جىلى قازاقستان بيۋدجەتىنىڭ شىعىنى 9 ترلن 643 ملرد تەڭگەنى (30 ملرد 134,4 ملن دوللاردى) قۇرايدى. ونىڭ 292,5 ملرد تەڭگىسى پرەزيدەنت جولداۋىنا بايلانىستى نازارباەۆ ۋنيۆەرسيتەتىنىڭ دامۋىنا، مۇعالىمدەر جالاقىسىن ارتتىرۋعا جانە مۇگەدەك جانداردى كۇتۋشىلەرگە جۇمسالادى.

ال اۋىل-ايماقتاردى اۋىز سۋمەن قامتاماسىز ەتۋگە قوسىمشا 31 ملرد تەڭگە، سالىنىپ جاتقان تۇرعىن ۇيلەردىڭ ينفراقۇرىلىمدارىنا 31,5 ملرد تەڭگە، جەرگىلىكتى تاس جولداردى جوندەۋگە 29 ملرد تەڭگە جانە كيبەرقىلمىسپەن كۇرەسۋگە 71 ملرد تەڭگە بولىنبەك.

“The Qazaq Times”