اق ءۇي تارابى جاقىندا يران يادرولىق ماسەلەسى تۋرالى قايتالاي مالىمدەمە تاراتىپ، يران مەن التى ەل قول قويىسقان كەلىسىمگە ترامپ ۇكىمەتى ۇسىنعان وزگەرىستەر ەنگىزىلمەسە، قۇراما شتات اتالعان كەلىسىمنەن ءبىر جولا شىعاتىنىن مالىمدەدى. بۇل تۋرالى «People» باسىلىمىنىڭ سايتى حابارلادى.

وسى اپتانىڭ باسىندا اقش پرەزيدەنتى يران يادرولىق كەلىسىمىن تاعى ءبىر مارتە سىنعا الىپ: «بۇل اقش وسىعان دەيىن قول قويعان ەڭ ناشار كەلىسىمدەردىڭ ءبىرى»، – دەپ باعالاعان. اق ءۇي مالىمدەمەشىسى ءباسپاسوز كونفەرەنتسياسىندا بۇل پىكىردى راستاپ، اقش پرەزيدەنتى كەلىسىمگە وزگەرىس ەنگىزۋدى  كونگرەسس دەڭگەيىندە كوتەرىپ وتىرعانىن ايتتى. بۇل تۋراسىندا ەۋروپالىق وداقتاستارىمەن دە پىكىر بىرلىگىنە كەلۋگە تىرىسىپ جاتقانىن مالىمدەدى. مالىمدەمەدە ايتىلعانىنداي، ەگەر اتالعان كەلىسىمگە 12 مامىرعا دەيىن ترامپ ۇكىمەتىنىڭ تالاپتارى ورىندالماسا، قۇراما شتات يران يادرولىق كەلىسىمىنەن شىعىپ كەتپەك.

اتالعان كەلىسىمگە قول قويعان ەلدەر اراسىندا قازىرگە دەيىن يزرايل ۇكىمەتى عانا ۋاشينگتوننىڭ پىكىرىن قولداپ وتىر.

 “The Qazaq Times”