اقش قارجى ءمينيسترى ستيۆ منۋچين «دونالد ترامپ قىتايمەن ساۋدا سوعىسىن جۇرگىزۋدەن قورىقپايدى» – دەپ مالىمدەدى.  

منۋچين 25 ناۋرىز كۇنى «Fox News» تەلەارناسىنا بەرگەن سۇحباتىندا: «اقش-تىڭ قىتاي تاۋارلارىنا سالعان 60 ميلليارد دوللار كولەمىندەگى كەدەن سالىعىنا بايلانىستى رەسمي بەيجىڭنىڭ ساۋدا سوعىسىن جاريالاۋىنان دونالد ترامپ كەرى شەگىنبەيدى جانە قورىقپايدى. ءبىز كەدەن سالىعىن ەنگىزۋ بويىنشا جۇمىستارىمىزدى جالعاستىرۋدامىز. پرەزيدەنت ترامپ ايتقانداي، ءبىز ساۋدا سوعىسىنان قورىقپايمىز جانە ءبىزدىڭ ماقساتىمىز سوعىس ەمەس» - دەگەن.

ەستەرىڭىزگە سالايىق، اقش دونالد ترامپ قول قويعان پرەزيدەنت مەموراندۋمىنان كەيىن قىتاي تاۋارلارىنا 60 ميلليارد دوللار كولەمىندە كەدەن سالىعىن سالعان. ساراپشىلار «رەسمي اق ءۇيدىڭ بۇل قادامى اقش پەن قىتاي ساۋدا سوعىسىنا الىپ كەلەدى» - دەگەن. وسىدان كەيىن «Dow Jones Industrial Average» جانە «S&P 500» كومپانيالارىنىڭ حالىقارالىق قارجى نارىعىنداعى يندەكستەرى 6 پايىزعا قۇلدىراعان.

“The Qazaq Times”