اقش پرەزيدەنتى دونالد ترامپ ءوزىنىڭ ۇلتتىق قاۋىپسىزدىك جونىندەگى جاڭا كەڭەسشىسىن تانىستىردى. ەلدىڭ بۇۇ-داعى بۇرىنعى تۇراقتى وكىلى بولعان دجون بولتون ەندى ۇلتتىق قاۋىپسىزدىك كەڭەسشىسى قىزمەتىن اتقارادى. ول گەنەرال گاربەرت ماكماستەردىڭ ورنىنا كەلەدى.
"2018 جىلدىڭ 9 ساۋىرىنەن باستاپ دجون بولتوننىڭ مەنىڭ ۇلتتىق قاۋىپسىزدىك جونىندەگى كەڭەسشىم بولاتىنىنا قۋانىشتىمىن. مەن تاپسىرىلعان جۇمىستى اتقارا بىلگەن جانە ارقاشان مەنىڭ دوسىم بولىپ قالاتىن گەنەرال ماكماستەردىڭ اتقارعان قىزمەتىنە وتە ريزامىن", - دەپ جازعان ترامپ ءوزىنىڭ تۆيتتەر پاراقشاسىندا.
پرەزيدەنت بىرنەشە اپتا بۇرىن دجون بولتونمەن ماكماستەردىڭ كەڭەسشى قىزمەتىن اۋىستىرۋ تۋرالى ماسەلەنى تالقىلاعان. دەرەككوزدەردىڭ مالىمەتىنشە، بولتون پرەزيدەنت كەڭەشىسى بولىپ تاعايىندالسا، ەشبىر سوعىس باستاماۋعا ۋادە بەرگەن.
CNN ارناسىنىڭ اقپاراتىنشا، ترامپ بىرناشە اي بۇرىن گەربەرت ماكماستەرمەن سوزگە كەلىسە الماعان سوڭ، ونى اۋىستىرۋ تۋرالى شەشىم قابىلداعان.
امەريكالىق ساياساتكەر دجون بولتون 1989 جانە 1993 جىلدار ارالىعىندا اقش مەملەكەتتىك حاتشىسىنىڭ حالىقارالىق ۇيىم جونىندەگى كومەكشىسى بولعان. 2001-2005 جىلدار ارالىعىندا مەملەكەتتىك حاتشىنىڭ قارۋلى كۇشتەردى باقىلاۋ جونىندەگى ورىنباسارى قىزمەتىن اتقاردى. ول رەسەي، سولتۇستىك كورەيا، يران، كۋبا سىندى ەلدەرگە قاتاڭ ساياسات ۇستانۋدى قولدايتىنداردىڭ قاتارىندا.
ايتا كەتەيىك، بۇدان بۇرىن اقش پرەزيدەنتى مەملەكەتتىك حاتشى رەكس تيللەرسوندى دا قىزمەتىنەن بوساتقان ەدى.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى