فرانتسيا ەكس-پرەزيدەنتى نيكوليا ساركوزي مەن ليۆيانىڭ بۇرىنعى باسشىسى مۋاممار كاددافي.

فرانتسيانىڭ ەكس-پرەزيدەنتى نيكوليا ساركوزي ۇستالدى – دەپ حابارلايدى Le Monde باسىلىمى.

Le Monde مالىمەتىنشە، نيكوليا ساركوزي 20 ناۋرىز كۇنى تەرگەۋگە الىنعان. وعان «2007 جىلى وتكەن پرەزيدەنت سايلاۋىندا ليۆيا قارجىسىن پايدالاندى» دەگەن ايىپ تاعىلعان. قۇقىق قورعاۋ ورگاندارىندا ساركوزيدى تۇتقىنعا الۋعا 48 ساعات ۋاقىت بار. ولار وسى ۋاقىت ارالىعىندا ەكس-پرەزيدەنتتىڭ اتالمىش ىسكە قاتىسى بار ەكەندىگىن دالەلدەۋى ءتيىس.

نيكوليا ساركوزيدىڭ فرانتسيا پرەزيدەنتى بولىپ سايلانۋىنا ليۆيا باسشىسى مۋاممار كاددافيدىڭ قاتىسى بار ەكەندىگى جونىندەگى اقپارات باق بەتىنە 2013 جىلى شىعا باستاعان. كاددافيدىڭ ءوزى دە كوزى ءتىرى كەزىندە ساركوزيدىڭ ليۆيا قارجىسىنىڭ ارقاسىندا فرانتسيا پرەزيدەنتى بولىپ سايلانعانىن جوققا شىعارماعان. ال 2011 جىلى كاددافيدىڭ ۇلى سايف ءال-يسلام 2007 جىلى اكەسىنىڭ ساركوزي سايلاۋ شتابىنا 50 ميلليون ەۋرو قارجى بولگەندىگىن مالىمدەگەن.

نيكوليا ساركوزي 2007 جانە 2012 جىلدار ارالىعىندا فرانتسيا پرەزيدەنتى بولعان. ول 2012 جىلعى پرەزيدەنت سايلاۋىندا ەكىنشى تۋردا فرانسۋا وللاندتان جەڭىلىپ، ەكىنشى رەت مەملەكەت باسشىسى بولۋ مارتەبەسىنەن ايىرىلدى.

“The Qazaq Times”