اقش پرەزيدەنتى دونالد ترامپ يران حالقىن ناۋرىز مەرەكەسىمەن قۇتتىقتادى.

اق ءۇي ءباسپاسوز قىزمەتى تاراتقان مالىمدەمەدە دونالد ترامپ: «ناۋرىز مەرەكەسىنىڭ تاريحى يرانمەن تىكەلەي بايلانىستى. يران حالقى مىڭداعان جىلدار بويى ءوزىنىڭ مادەنيەتى مەن كۇش-جىگەرى ارقاسىندا ءتۇرلى قاۋىپ-قاتەرلەرگە قارسى تۇرىپ كەلەدى. قازىر يران حالقىنىڭ الدىندا جاڭا قاۋىپ تۇر. ول حالىققا ەمەس ءوز مۇددەلەرىنە جۇمىس ىستەيتىن باستارۋشى توپ وكىلدەرى. وسىدان ححV عاسىر بۇرىن ۇلى داري قۇدايدان يراندى جاۋدىڭ اسكەرىنەن، قۋاڭشىلىق پەن وتىرىكتەن قورعاۋدى سۇراعان. قازىر «يسلام رەۆوليۋتسياسىن قورعاۋشىلار كورپۋسى» وسى ءۇش قاۋىپتىڭ جيىنتىعى. اقش يران حالقىنىڭ بوستاندىققا، الەمدىك قاۋىمداستىقپەن بىرگە بولۋعا دەگەن ۇمىتىلىسىن قاشان دا قولدايدى»، - دەگەن.

ەستەرىڭىزگە سالايىق، 2017 جىلدىڭ جەلتوقسان ايىندا يراندا حالىقتىق تولقۋلار بولعان. سالدارىنان پوليتسيا مەن ەرەۋىلشىلەر اراسىنداعى قاقتىعىستان ونداعان ادام كوز جۇمدى. وسىدان كەيىن اقش بيلىگى رەسمي تەھراندى قاتاڭ سىنعا الىپ، ادام قۇقىعىن شەكتەمەۋگە شاقىرعان. نارازىلىق اكتسياسى دۇكەندەگى قاراپايىم جۇمىرتقا باعاسىنىڭ قىمباتتاۋىنان باستالىپ، اقىرىندا ەل پرەزيدەنتى حاسان رۋحاني مەن رۋحاني كوسەم اياتوللا حومەنەيگە قارسى شىعۋمەن اياقتالدى.

“The Qazaq Times”