كەشە قازاقستان جازۋشىلار وداعىندا كوكتەمدە تۋىپ، جاسىنداي جارقىراپ، قازاق əدەبيەتىنە ەرەكشە لەپ، تىڭ جاڭالىق الىپ كەلگەن قازاقتىڭ كلاسسيك اقىندارىنىڭ ءبىرى تولەگەن ايبەرگەنوۆتىڭ شىعارماشىلىعىنا ارنالعان ادەبي-سازدى كەش ءوتتى. بۇل تۋرالى جازۋشىلار وداعىنىڭ ءباسپاسوز قىزمەتى حابارلادى. 

كەش جازۋشىلار وداعىنىڭ باسقارما توراعاسى، اقىن ۇلىقبەك ەسداۋلەتتىڭ قۇتتىقتاۋ سوزىمەن باستالدى.

باسقارما توراعاسىنىڭ ورىنباسارلارى مەرەكە قۇلكەنوۆ پەن باقىت بەدەلحان تەمىربەك جۇرگەنوۆ اتىنداعى ونەر اكادەمياسىنىڭ ۇستازى داريعا تۇرانقۇلوۆا، اقىن قاسىمحان بەگمانوۆ، احمەت ومىرزاق، شارافاددين ءامىر، قازاق ءتىلىنىڭ جاناشىرى وعىز دوعان، شايحى ەرماحان، ت.ب. "بايتاق مەكەن" قوعامدىق قورىنىڭ مەرەيتوعا ارنايى شىعارعان "تولەگەن ايبەرگەنوۆكە 80 جىل" ەستەلىك مەدالىن تابىستادى.

سونداي-اق، وسى مەدالداردى جازۋشىلار وداعىنىڭ باسقارما توراعاسى، اقىن ۇلىقبەك ەسداۋلەت اقىن جولىن قۋعان ءبىر توپ جاس اقىندارعا (اسىلان تىلەگەن، نۇرتاس تۇرعانبەك، نۇربولات جولداسبەك، تۇرسىنبەك باشار، بەكزات سماديار، مەرەي قارتوۆ، ميراس اسان، Əسەل كəرىباي، تىلەك ىرىسبەك، ەدىلبەك دۇيسەن) تابىستاپ، ولەڭ ساپارىنا ساتتىلىك تىلەدى. ارتىنشا جاستار جىردان شاشۋ شاشىپ، كورەرمەندەر كوڭىلىن ءبىر سەرپىلتىپ تاستادى.

ت. جۇرگەنوۆ اتىنداعى ونەر اكادەمياسىنىڭ ستۋدەنتتەرى ت. ايبەرگەنوۆ ولەڭدەرىنەن كومپوزيتسيالىق قويىلىم قويىپ، كەش كوركىن قىزدىرا ءتۇستى.

قازاقستاننىڭ ەڭبەك سىڭىرگەن قايراتكەرى، دارىن مەملەكەتتىك جاستار سىيلىعىنىڭ لاۋرەاتى، ءداستۇرلى ءانشى ساۋلە جانپەيىسوۆا اقىن ولەڭدەرىنىڭ سوزىنە جازىلعان ءوزىنىڭ اۆتورلىق اندەرىن ورىندادى.

ايتا كەتەيىك، وسىعان دەيىن اقىننىڭ 80 جىلدىق مەرەيتويى اياسىندا تەمىرتاۋ قالاسىندا، وزبەكستاننىڭ نوكىس قالاسىندا (ەكى جوعارى وقۋ ورىندارىندا), اقتوبە وبلىسىنىڭ بايعانين اۋدانىندا، اقتاۋ، استانا، شىمكەنت قالالارىندا بىرنەشە مەرەيتويلىق كەشتەر ۇيىمداستىرىلعان بولاتىن.

“The Qazaq Times”