ەۋروپالىق وداق ەلدەرى ترامپ اكىمشىلىگىن "يادرولىق باعدارلاما جونىندەگى كەلىسىمنەن" باس تارتپاۋعا كوندىرۋ ءۇشىن يرانعا قارسى سانكتسيا سالماق. 

گەرمانيا، فرانتسيا جانە ۇلىبريتانيا سىرتقى ىستەر مينيسترلەرى كەلەسى اپتادا يراننىڭ زىمىران باعدارلامالارى جانە "يراننىڭ سۇرياداعى سوعىسقا قاتىسى" بويىنشا ۇسىنىستاردى تالقىلاماق. بۇل تۋرالى قانداي دا ءبىر جاسىرىن قۇجاتتارعا سىلتەمە جاساپ، Reuters اگەنتتىگى حابارلاپ وتىر.

اقپاراتتا ايتىلعانداي، ەو تاراپىنان يرانعا قارسى سالىناتىن سانكتسيا 2018 جىلدىڭ قاڭتار ايىنداعى ترامپتىڭ ۋلتيماتۋم قويۋىنا بەرىلگەن جاۋاپ بولۋى مۇمكىن. اقش بولسا كونگرەستەن مامىر ايىندا يرانمەن كەلىسىمدى ۇزارتۋدى سۇرامايتىنىن مالىمدەگەن. ال ەو بولسا سانكتسيا سالۋ ارقىلى يرانمەن "يادرولىق باعدارلاما كەلىسىمىن" ساقتاپ قالۋعا تىرىساتىن سياقتى.

“The Qazaq Times”