Apple كومپانياسى قىتايدىڭ كۋنشان وڭىرىندە ورنالاسقان زاۋىتتا iPhone 8 Plus سمارتفونىن ءوندىرۋدى ەكى اپتاعا توقتاتتى. مۇنىڭ سەبەبى  - قۇرال-جابدىقتاردى جيناقتاۋمەن اينالىساتىن Wistron كورپوراتسياسى سەرتيفيكاتتالماعان كومپونەنتتەردى پايدالانعان بولۋى مۇمكىن. بۇل تۋرالى تايۆاندىق Commercial Times باسىلىمىنا سىلتەمە جاساپ، MacRumors حابارلاپ وتىر. 

باسىلىمنىڭ مالىمەتىنشە، Wistron  Apple كومپانياسىنىڭ سەنىمىن قايتارۋ ءۇشىن بىرنەشە جوعارى لاۋازىمدى تۇلعالارىنا ايىپپۇل سالعان. جەتكىزۋشى كومپانيا سونداي-اق، سمارتفونداردى ءوندىرۋ جاعداي تۇسىندىرىلگەنگە دەيىن توقتاتىلعانىن جوققا شىعارىپ وتىر. الايدا، تاراعان كەيبىر اقپاراتقا قاراعاندا Wistron اكتسيالارى سوڭعى ۋاقىتتا 5 پايىزعا تومەندەپ كەتكەن.

ال "سەرتيفيكاتتالماعان" سۋ وتكىزبەيتىن جالعان كومپونەنتتەرى بار سمارتفوندار دۇكەندەرگە جەتكىزىلە مە جانە ولاردىڭ سانى قانشا، ول جاعى ءالى بەلگىسىز.

Wistron قازىرگى كەزدە  iPhone 8 Plus-ءتىڭ تەك 20 پايىزىن عانا وندىرەدى، قالعان 80 پايىزى باسەكەلەسى Foxconn كومپانياسىنا تيەسىلى. Wistron ءۇندىستاننىڭ بانگالورە قالاسىندا جاڭا زاۋىت سالۋعا 157 ملن دوللار ينۆەستيتسيا سالدى. مۇندا كومپانيا iPhone SE  جانە iPhone 6s سمارتفونىن شىعارۋدى جوسپارلاعان. Apple ونىمدەرىن جەتكىزۋشىلەر اراسىندا اتالعان كورپوراتسيا ءۇندى نارىعىنداعى كوشباسشىلاردىڭ ءبىرى.

“The Qazaq Times”