تۇركيا مەن گرەكيا اراسىنداعى قارىم-قاتىناس ۋشىعا ءتۇسۋى مۇمكىن. فوتو: kurdistantv.net.

ءبىر كۇن بۇرىن گرەكيانىڭ ورتالىق قالاسى افينادا تۇركياداعى «15 شىلدە توڭكەرىسىنەن» كەيىن وسى ەلگە قاشىپ بارعان توڭكەرىسشىلەر ۇستىنەن سوت وتىرىسى وتكىزىلدى. سوتتان كەيىن تۇركيالىق توڭكەرىسشىلەر قاماۋعا الىنىپ، انكارا بيلىگىنىڭ قىلمىسكەرلەردى ەلگە وتكىزىپ بەرۋ تالابى ورىندالماي قالدى. بۇل تۋرالى «انادولى» اقپاراتتىق اگەنتتىگى حابارلادى.

انكارا بيلىگى 2016 جىلى 15 شىلدەدە بولعان اسكەري توڭكەرىستى ۇيىمداستىرۋشى رەتىندە، قازىر قۇراما شتات جەرىندە تۇراتىن فەتحۋللاح گۇلەندى ايىپتايدى. ءارى توڭكەرىسكە قاتىسۋشىلاردى «فەتحۋللاقشىل تەرروريستتەر» دەپ جاريالادى.

15 ناۋرىز كۇنى افينا سوتى تۇركياداعى توڭكەرىس جەتەكشىلەرىنىڭ ءبىرى حازال  سەجەردىڭ ۇستىنەن ۇكىم شىعارىپ، قاماۋعا الدى. تۇركيانىڭ سەجەردى ەلگە وتكىزىپ بەرۋ تالابىن سوت تورەشىلەرى تويتارىپ تاستادى.

گرەكيا تارابى بۇعان دەيىندە 8 ادامدى تۇركياعا قايتارىپ بەرۋ تالابىن كەرى قايتارعان. تۇركيا پرەزيدەنتى بۇل ءۇشىن گرەكياعا ساپارلاي بارعان بولاتىن. گرەكيا جاقتىڭ بۇل شەشىمىنەن كەيىن ەكى ەل اراسىنداعى تاريحي شيەلەنىس قايتا ۋشىعىپ كەتۋى مۇمكىن.

“The Qazaq Times”