رەسەي سىرتقى ىستەر ءمينيسترىنىڭ ورىنباسارى سەرگەي ريابكوۆتىڭ جۇما كۇنى جاساعان مالىمدەمەسىندە، رەسەي تارابى اقش-تىڭ سوڭعى سانكتسيالارىنا جاۋاپ رەتىندە كوپتەگەن امەريكالىقتاردى قارا تىزىمگە ەنگىزۋدى جوسپارلاپ وتىرعانىن العا تارتتى. ريابكوۆتىڭ سوزىنە قاراعاندا ماسكەۋ تارابى بۇدان وزگە دە قارسى شارالاردى قولدانۋعا ءازىر، بۇل ارەكەتتەرىمەن باتىس ەلدەرى اراسىنداعى شيەلەنىستى كۇشەيتە تۇسەتىنى انىق. بۇل تۋرالى «WSJ» باسىلىمى حابارلادى.

وسىدان بۇرىن ترامپ ۇكىمەتى رەسەيلىك 19 جەكە تۇلعا مەن 5 ۇيىمدى سانكتسيا تىزىمىنە ەنگىزگەن بولاتىن. بۇل تىزىمدەگى كەيبىر ۇيىمدار مەن جەكە تۇلعالار وسىعان دەيىن دە اقش-تىڭ سانكتسيا تىزىمىنەن تۇسپەي كەلگەن.

بۇل ترامپ ۇكىمەتى تارابىنان رەسەيدىڭ 2016 جىلعى اقش-تاعى پرەزيدەنت سايلاۋىنا ارالاسۋ ىسىنە بايلانىستى جانە نەگىزگى ينفراقۇرىلىمدارعا (الەۋمەتتىك جەلى، مەملەكەتتىك عالامتور جەلىلەرى) شابۋىل جاساۋ ىسىنە قاراتا جاساعان سانكتسيانىڭ العاشقى راۋندى ەدى.

بۇدان تىس بۇرىنعى رەسەيلىك اگەنتتىڭ ۋلانۋىنا بايلانىستى ۇلىبريتانيانى جاقتاپ، رەسەيدى اۋىر سىننىڭ استىنا الدى.

“The Qazaq Times”