قازاقستان قۇراماسى تۇڭعىش رەت قىسقى پاراليمپيادا ويىندارىندا التىن الدى.

وڭتۇستىك كورەيانىڭ پيوڭچاڭ قالاسىندا ءوتىپ جاتقان قىسقى پاراليمپيادا ويىندارىندا الەكساندر كوليادين 1,5 شاقىرىمدىق شاڭعى جارىسىندا التىن الدى. بۇل قازاقستاننىڭ قىسقى پاراليمپيادا ويىندارى تاريحىنداعى العاشقى التىن مەدال. بۇعان دەيىن 1994 جىلى نورۆەگيادا وتكەن پاراليمپيادا ويىندارىندا ليۋبوۆ ۆوروبەۆا ءدال وسى شاڭعى جارىسىندا قولا العان بولاتىن. سول ۋاقىتتان بەرى قازاقستان سپورتشىلارى جۇلدەلى ورىندارعا ىلىكپەگەن.

الەكستاندر كوليادينگە دەيىن 12 ناۋرىز كۇنى تاعى ءبىر قازاقستاندىق شاڭعىشى الەكساندر گەرليتس 20 شاقىرىمدىق جارىستا ءتورتىنشى ورىن العان. جالپى، قازاقستان بيىلعى قىسقى وليمپيادا ويىندارىنا 6 سپورتشى اپارعان. قازىرگى تاڭدا قازاقستان قۇراماسى جالپى ەسەپتە 1 التىنمەن 13 ورىندا تۇر. 9 ناۋرىز كۇنى باستالعان پاراليمپيادا ويىندارى 18 ناۋرىز كۇنى اياقتالادى.

“The Qazaq Times”