رەسەي قارۋلى كۇشتەرىنىڭ جوعارى لاۋازىمدىسى اقش-تىڭ باشار اساد ۇكىمەتىنىڭ باقىلاۋىنداعى ايماقتارعا اۋە شابۋىلىن جاساۋعا دايىندالىپ جاتقانىن مالىمدەدى. سونىمەن بىرگە، اقش-تىڭ بۇل ارەكەتى ونداعى رەسەيلىك قارۋلى كۇشتەرگە قاتەر توندىرەتىن بولسا قارسى شابۋىل جاسايتىنىن ايتتى. بۇل تۋرالى «انادولى» اقپاراتتىق اگەنتتىگىنىڭ سايتى جازدى.

اتالعان مالىمدەمەنى رەسەي باس شتاب باسقاراماسىنىڭ توراعاسى ۆالەري گەراسيموۆ جاساعان. ول داماسك قالاسىندا جانە باشار اساد رەجيمى باقىلاۋىنداعى ورىنداردا رەسەيدىڭ اسكەري كەڭەسشىلەرى، سۇرياداعى تاراپتاردى كەلىستىرۋشى رەسەيلىك لاۋازىمدىلار جانە قاۋىپسىزدىك قىزمەتكەرلەرى بار ەكەنىن ايتتى. گەراسيموۆ اقش-قا قاتاڭ ەسكەرتۋ جاساپ، رەسەيلىك ازاماتتارعا  قاۋىپ تونگەن جاعدايدا قارسى شابۋىل جاسايتىنىن ايتتى.

رەسەي اسكەري شەندىسىنىڭ سوزىندە، كەرەك كەزىندە اقش-تىڭ قولداناتىن زىمىراندارىن جانە زىمىران تاسۋشى كولىكتەرىنىڭ دە كوزىن قۇرتاتىنىن ايتادى.

وسىدان بۇرىن، ءسۇريا رەجيىمى حيميالىق قارۋدى قولدانۋى قايتالاسا، اۋە شابۋىلى ارقىلى باشار اسادقا سوققى بەرەتىنىن ايتقان.

“The Qazaq Times”