رەسەيلىك "كينجال". فوتو: BBC.

رەسەي قورعانىس مينيسترلىگى ەكى كۇن بۇرىن جاساعان مالىمدەمەسىندە، «گيپەر جىلدامدىقتا» ۇشاتىن زىمىراندى ءساتتى سىناقتان وتكىزگەنىن مالىمدەدى. مالىمەتتەرگە قاراعاندا، بۇل زىمىراننىڭ جىلدامدىعى دىبىستىڭ تارالۋ جىلدامدىعىنان 10 ەسە تەز. وسىدان بۇرىن رف پرەزيدەنتى پۋتين الەمنىڭ كەز-كەلگەن نۇكتەسىنە شابۋىل جاساي الاتىن جانە اۋە قورعانىسى توسىپ قالا المايتىن يادرولىق قارۋدى ءساتتى تۇردە جەتىلدىرگەندەرىن ايتقان ەدى.

رەسەي قورعانىس مينيسترلىگىءنىڭ ۆيدەوسىن جاريالاعان، ءارى زىمىراننىڭ كوزدەگەن نىساناعا ءدال تيگەنىن ايتقان. پۋتين ناۋرىزدىڭ باس شەنىندە «قانجار»  (كرينجال) راكەتاسى تۋرالى ايتقان سوزىندە، ەلدە زىمىرانداردىڭ «جاڭا ۇرپاقتارى» جاسالىپ شىققانىن مالىمدەگەن ەدى. ەكسپەرتتەردىڭ ايتۋىنشا، «قانجار» بۇرىنعى «ەرسكەندىر» زىمىرانىنىڭ جاڭارتىلعان ۇلگىسى. ول عالامشاردىڭ كەز-كەلگەن نۇكتەسىنە رادارعا تۇسپەي تۇرىپ شابۋىل جاساي الادى دەلىنگەن.

«ميگ-31» اسكەري ۇشاعىنان اتىلعان زىمىران. فوتو: BBC.

بۇعان دەيىن رەسەي پرەزيدەنتى اقش-تىڭ زىمىرانعا قارسى قورعانىس جۇيەسىن ەۋروپا جەرىنە ورناتۋ تۋرالى جوسپارىنا قارسىلىق تانىتقان ەدى. ال، بۇل جولى رەسەي وندىرگەن «قانجاردى» امەريكالىق «سااد» قورعانىس جۇيەسى ۇستاپ قالا المايتىنىن ءبىلدىرىپ وتىر. اقش تارابى بولسا زىمىرانعا قارسى قورعانىس جۇيەلەرى رەسەيگە باعىتتالماعانىن ايتادى.

قازىر الەمدەگى ەڭ كەمەلدى قورعانىس جۇيەسى رەتىندە امەريكالىق "Thaad" پەن رەسەيلىك "س-400"-ءدى ايتۋعا بولادى. رەسەيدىڭ جاڭا زىمىراندارى بۇل قورعانىس جۇيەلەرىنىڭ الەۋەتىنەن اسىپ تۇسكەن بولسا، الداعى ۋاقىتتا ەكى ەلدىڭ دە اۋە قورعانىس سالاسىن جارىسا جەتىلدىرەتىنىن انىق. دەرجاۆالار اراسىنداعى باسەكە توقتاپ قالماسا، "قانجاردى" دا قۇرىقتايتىن اۋە قورعانىس جۇيەسى دە كوپ وتپەي پايدا بولۋى عاجاپ ەمەس.

“The Qazaq Times”