دوحادا حالىقارالىق قارۋ-جاراق جارمەڭكەسى وتۋدە

كاتاردىڭ ورتالىق قالاسى دوحادا تەڭىز قورعانىس ىستەرىن تاقىرىپ ەتكەن حالىقارالىق كونفەرەنتسيا (DIMDEX 2018) وتۋدە. كونفەرەنتسيامەن بىرگە تەڭىز قورعانىس تەحنيكالارىنىڭ جارمەڭكەسى ۇيىمداستىرىلعان. شاراعا الەمنىڭ 90 ەلىنەن  180-نەن استام قارۋ-جاراق ءوندىرۋشى جانە تەحنولوگيا فيرمالارى قاتىسۋدا. بۇل تۋرالى «انادولى» اقپاراتتىق اگەنتتىگى حابارلاعان بولاتىن.

جارمەڭكەدەگى جاپوندىق ءونىم. فوتو: adf20021021.pixnet.net.

شارانى ۇيىمداستىرۋشىلاردىڭ ايتۋىنشا، تەڭىز قورعانىس سالاسىنا ارنالعان جارمەڭكە ەكى كەزەكتەن كەيىن، كولەمىن كەڭەيتىپ، قۇرلىق جانە اۋە قورعانىس سالاسىنىڭ دا ماڭىزدى جەتىستىكتەرىمەن بولىسەتىن حالىقارالىق جوباعا اينالادى.  

كاتار ءامىرى جارمەڭكەدە. فوتو: dohanews.co.

كاتار ۇلتتىق كونگرەسس ورتالىعىندا وتكىزىلگەن اۋقىمدى شارا ەل ءامىرىنىڭ تىكەلەي قولداۋىنا يە. وعان قوسا ورتا شىعىس جانە ەۋروپا، شىعىس ازيا ەلدەرىنىڭ لاۋازىمدى وكىلدەرى اشىلۋ سالتاناتىندا بولدى.

تۇركى تەكتى اعايىندار اراسىندا تۇركيا اتالعان شاراعا 33 فيرماسى جانە ولاردىڭ وندىرگەن اسكەري ونەركاسىپ ونىمدەرىمەن قاتىستى.

 “The Qazaq Times”