فوتو: REUTERS/Maxim Shemetov

11 ناۋرىز كۇنى قر پرەزيدەنتى نۇرسۇلتان نازارباەۆ رەسەيلىك "پەرۆىي كانال" تەلەارناسىنا سۇحبات بەرىپ، ەۋرازيالىق ەكونوميكالىق وداق ەلدەرىنىڭ ىنتىماقتاستىعى جانە مەملەكەت باسشىلارى اراسىنداعى سەنىم تۋرالى ايتتى، دەپ حابارلادى قازينفورم.

"مەملەكەت باسشىلارى اراسىنداعى قارىم-قاتىناس ماڭىزدى. باسشىلار اراسىنداعى سەنىم مەملەكەتتەر اراسىنداعى سەنىمگە يتەرمەلەيدى. ۆلاديمير ۆلاديميروۆيچ پۋتين 2000 جىلى پرەزيدەنت بولدى جانە ءبىز ءبىرىنشى كۇننەن-اق جاقسى قارىم-قاتىناستامىز، جاسىراتىنى جوق. مەن ونىڭ ادامدىق قاسيەتى تۋرالى دا ايتقىم كەلەدى. مەن ونى بارىنەن دە جاقسى بىلەمىن دەپ ايتۋعا بولاتىن شىعار. ول - ءسوزدىڭ ادامى",  - دەدى نازارباەۆ.

قازاقستان پرەزيدەنتىنىڭ سوزىنشە، ۆلاديمير پۋتين قيىن كەزەڭدە باسشىلىققا كەلگەن ادام.

"رەسەيدى جوققا شىعارىپ، الەمدەگى نەگىزگى پروبلەمالاردى شەشۋگە قاتىسۋىنا جول بەرىلمەدى. رەسەيدى كەز كەلگەن جەردە شەتتەتۋگە بولمايدى، ول الەمدىك ساياساتتا ۇلكەن ىقپالى بار يادرولىق زىمىراندى ەل. ياعني، رەسەيدى الدىن الا  بۇل ماسەلەدەن شەتتەتۋگە بولار ەدى. پۋتين قازىر رەسەيدى ءوز ورنىنا قويدى. سۇريا ۇكىمەتىنىڭ قاقتىعىسقا قاتىسۋ تۋرالى ءوتىنىشى بويىنشا وسىنداي شەشىم قابىلداۋ قاجەت بولدى. شىن مانىندە، رەسەي سوندا بولىپ جاتقان زۇلىمدىقتى ەكسترەميزم، تەرروريزمدى باسۋعا تىرىستى. وتە ۇلكەن تاۋەكەل بولدى جانە وسىنداي شەشىم قابىلداۋعا تۋرا كەلدى. ءتۇپتىڭ تۇبىندە بۇل قاتىسۋ ءساتتى بولدى. مىنە، پۋتين وسىنداي", - دەدى نازارباەۆ سۇحباتىندا.

“The Qazaq Times”