الەمدەگى قىلمىس دەڭگەيى ەڭ جوعارى 50 قالانىڭ ءتىزىمى جاريالاندى

مەكسيكانىڭ ۇلتتىق قاۋىپسىزدىك جونىندەگى حالىق كەڭەسى جانە قىلمىستىق سوت مەكەمەسى مالىمدەمە جاساپ، 2017 جىلعى الەمدەگى كريمينالدى 50 قالانىڭ ءتىزىمىن جاريالادى. بۇل تۋرالى «شينلاڭ» اقپاراتتىق سايتى حابارلادى.

ەڭ قاۋىپتى كريمينالدى قالالاردىڭ ءتىزىمىن جاساۋدا، قالا حالقىنىڭ سانى مەن ونداعى ادام ولتىرۋگە قاتىستى قىلمىس سانىنىڭ ارا قاتىناسى ەسەپتەلگەن. بۇل ەسەپ بويىنشا مەكسيكانىڭ لوس-كابوس قالاسى الەمدەگى ەڭ قاۋىپتى قالا بولىپ تانىلعان. وندا ءار 100 مىڭ ادامنىڭ 112-ءسى سودىرلار جاعىنان قازا تاپقان.

اتالعان ورىنداردىڭ مالىمەتىنە قاراعاندا، قاۋىپتى 50 قالانىڭ باسىم كوبى، ياعني 42 قالا لاتىن امەريكاسى ەلدەرىندە. ايتالىق، برازيليادا 17, مەكسيكادا 12, ۆەنەسۋەلادا 5, كولۋمبيادا 3, گوندۋراستا 2 قالا بولسا،  سالۆادور، پورتو-ريكو جانە گۆاتەمالا ەلدەرىندە ءبىر-ءبىر قاۋىپتى قالا بار.

“The Qazaq Times”