"نۇرلى جول" باعدارلاماسى بويىنشا استانا-تەمىرتاۋ، الماتى-قاپشاعاي  جانە الماتى-قورعاس ۋچاسكەلەرىندە اقى تولەۋ جۇيەسى وسى جىلدىڭ ەكىنشى توقسانىنا ىسكە قوسىلۋى مۇمكىن. بۇل تۋرالى بۇگىن ۇكىمەت جيىنىندا قر ينۆەستيتسيالار جانە دامۋ ءمينيسترى جەڭىس قاسىمبەك مالىمدەدى. 

"باستى ماسەلەلەردىڭ ءبىرى - رەسپۋبليكالىق ماڭىزى بار اۆتوموبيل جولدارىنا اقى تولەۋ جۇيەسىن ەنگىزۋ. "نۇرلى جول" باعدارلاماسى اياسىندا مينيسترلىك استانا-تەمىرتاۋ، الماتى-قاپشاگاي  جانە الماتى-قورعاس ۋچاسكەلەرىندە اقى تولەۋ جۇيەسىندە قۇرىلىس-مونتاجدىق جۇمىستارىن جۇرگىزۋدە. جۇيەنى ىسكە قوسۋ بيىلعى جىلى ەكىنشى توقسانىنا ىسكە قوسۋ جوسپارلانىپ وتىر. سونىمەن قاتار، جالپى ۇزاقتىعى 5,5 مىڭ شاقىرىم بولاتىن 13 ۋچاسكەدە اقى الۋ جۇيەسىن ورناتۋ بويىنشا جوبالىق-سمەتالىق قۇجاتتاما ازىرلەنۋدە. ونىڭ ىشىندە "باتىس ەۋروپا- باتىس قىتاي" ءدالىزى دە بار", - دەدى جەڭىس قاسىمبەك.

ءمينيستردىڭ سوزىنشە، بۇل جوبالاردى مەملەكەتتىك-جەكەمەنشىك ارىپتەستىك مەحانيزم ارقىلى ىسكە اسىرۋ جوسپارلانىپ وتىر. بيىل وسى جىلدىڭ ەكىنشى جارتىسىندا مەملەكەتتىك-جەكەمەنشىك ارىپتەستىك كەلىسىمشارتى جاسالىپ،  2020 جىلعا دەيىن اقىلى جولداردى 6,5 مىڭ شاقىرىمعا دەيىن جەتكىزۋ جوسپارلانعان.

“The Qazaq Times”