فوتو: Informburo.kz

بيىل «شىمكەنت» الەۋمەتتىك – كاسىپكەرلىك كورپوراتسياسى ەنشىلەس ۇيىمدارمەن بىرلەسىپ جالپى قۇنى 70,82 ملرد تەڭگەنى قۇرايتىن 20 جوبانى جۇزەگە اسىرعالى وتىر.  ناتيجەسىندە 2600-گە جۋىق ادام جۇمىسپەن قامتىلاتىن بولادى. بۇل تۋرالى وڭتۇستىك قازاقستان وبلىسى اكىمدىگىنىڭ ءباسپاسوز قىزمەتى مالىمدەدى.

«شىمكەنت» اكك ۇك» باسقارما توراعاسى ايتمۇحاممەد الداجاروۆتىڭ ايتۋىنشا، اتالعان جوبالار «وڭتۇستىك» يندۋستريالدى ايماق جانە «وڭتۇستىك» ارنايى ەكونوميكالىق ايماعىندا جۇرگىزىلەدى.

«بيىلعى جىلى قول الىناتىن 20 جوبانىڭ 12-ءىن «شىمكەنت» الەۋمەتتىك-كاسىپكەرلىك كورپوراتسياسى جۇزەگە اسىرادى. ونىڭ قۇنى 23,463,3 ملن تەڭگەنى قۇراپ وتىر.  ال، «وڭتۇستىك» ارنايى ەكونوميكالىق ايماعى جالپى قۇنى 3,5 ملرد تەڭگەلىك 5 جوبانى ىسكە اسىرۋدى جوسپارلاۋدا.  بۇدان بولەك، «وڭتۇستىك» يندۋستريالدى ايماق  40 ملرد تەڭگەنى قۇرايتىن 5 جوبانى ىسكە قوسۋ ماقساتىن كوزدەپ وتىر»، – دەدى ايتمۇحاممەد تۇراربەكۇلى.

جالپى  2017 جىلى «شىمكەنت» اكك ترانسفورماتسيالاۋ كەزەڭىنەن وتكەن.  ناتيجەسىندە جاڭا جۇمىس ءادىسى ازىرلەنىپ، ينۆەستيتسيالىق جوبالاردى ءتيىمدى باسقارۋعا جانە ىسكە اسىرۋعا باعىتتالعان باسقارۋ جۇيەسى ەنگىزىلگەن. وسىنىڭ ارقاسىندا بىرقاتار اۋقىمدى جوبالاردى ىسكە اسىرۋ ءىسى جەڭىلدەي تۇسكەن.  ماسەلەن، قارابۇلاق اۋىلىندا ءسۇت ءوندىرۋ جانە قايتا وڭدەۋ كلاستەرى قۇرىلدى. سونداي-اق، «استانا» تۇرعىن ءۇي كەشەنىن سالۋ  بويىنشا وتاندىق ينۆەستورلار  4 بلوك تۇرعىن ءۇي كەشەنىنە 1 ملرد 507 ملن  تەڭگە قارجى قۇيعان.

“The Qazaq Times”