فوتو: كازينفورم

«ەير استانا»  2018 جىلدىڭ 1 ماۋسىمىنان باستاپ استانادان لوندونعا كۇن سايىن ۇشاتىن بولادى. جاڭا جيىلىكتەر سارسەنبى جانە جۇما كۇندەرى قوسىلادى، دەپ حابارلادى اۋە كومپانياسىنىڭ ءباسپاسوز قىزمەتى. 

«قازاقستان مەن ۇلىبريتانيانى بايلانىستىراتىن جانە سۇرانىس كوپ بۇل رەيستى كۇندەلىكتى جاساعانىمىزعا قۋانىشتىمىز. لوندوننىڭ ماڭىزى ىسكەر ادامدار مەن تۋريستەر ءۇشىن كۇننەن كۇنگە ءوسىپ كەلەدى. جانە بۇل اۋەكومپانيا ءۇشىن ستراتەگيالىق تۇرعىدان قولايلى ساتىندە بولىپ جاتىر، ويتكەنى ءبىز IPO-عا شىعۋدى جوسپارلاپ وتىرمىز»، - دەدى «ەير استانا» پرەزيدەنتى پيتەر فوستەر.

اۋەكومپانيانىڭ مالىمەتىنشە، استانا ارقىلى ۇشاتىن جولاۋشىلار الماتىعا دەيىن ىڭعايلى تۇيىسۋلەردى جانە اۋەكومپانيانىڭ ودان ارعى باعىتتارىن پايدالانا الادى. استانادان ۇرىمشىگە، دەليگە، نوۆوسيبيرسككە، ومبىعا، تۇمەنگە، ەكاتەرينبۋرگكە ۇشا الادى.

رەيستەر لوندونعا بوينگ-757 ۇشاعىمەن ورىندالادى. اۋەبيلەتتەر باعاسى ەكونوم-كلاستا، بارلىق الىمدارمەن، تەك سەرۆيستىك الىمدى قوسپاعاندا 211 682 تەڭگەدەن باستالادى.

“The Qazaq Times”