جاپوندىق فەرما باناننىڭ قابىعىن جۇمساق، ءارى جەۋگە جارامدى ەتۋ ءۇشىن «ەرىگەندى قاتىرۋ» ءتاسىلىن پايدالانادى، - دەپ مالىمدەيدى The Guardian باسپاسى.

«D & T Farm» فەرماسى بۇل ءتاسىل بانان جاسۋشالارىنىڭ ءوسۋىن ولار ەرىگەنشە 60 گرادۋسقا باياۋلاتا الاتىنىن جازدى.

سەتسۋزو تاناكا (Setsuzo Tanaka) جۇرگىزگەن زەرتتەۋ وسىنداي ناتيجەگە الىپ كەلدى. نەگىزى ول زەرتتەۋدىڭ ەشقانداي عىلىم ماقساتى بولماعان. ول بۇل زەرتتەۋمەن حوببي رەتىندە اينالىسىپ جۇرگەن. سەتسۋزو: «بانان قابىعىن ەندى ەش ۋايىمسىز جەي بەرۋگە بولادى، سەبەبى قۇرامىندا ەشقانداي حيميالىق زاتتار جوق»، - دەدى.

زەرتتەۋ ناتيجەسىندە «مونگە بانانى» دەپ اتالعان جەمىس پايدا بولدى. ول وتكەن جىلدان باستاپ وكاياماداعى (كيوتو مەن حيروسيما اراسىندا) ۋنيۆەرماگتا ساتىلا باستاعان.

جاڭا باناننىڭ ءدامىن تاتقاندار: «قابىعى تىم جۇقا بولعاندىقتان ونى سەزبەۋگە بولادى. بىراق باناننىڭ ءوزىنىڭ ءدامى اناناسقا ۇقسايدى»، - دەيدى.

ازىرگە بۇل بانان تەك شاعىن پارتيامەن شىعارىلعان. نارىقتاعى قازىرگى باعاسى – 648 يەن ء(بىر داناسىنا). فەرما وكىلى وسى جىلى باناندى 10 ەسە ۇلكەن پارتيامەن شىعاراتىنىن مالىمدەدى. قازىر بۇل باناندى تەك جاپونيادا ءوسىرىپ جاتقانىمەن، بولاشاقتا ەكسپورتقا شىعارۋدى قولعا الۋى مۇمكىن ەكەندىگىن جەتكىزدى.

“The Qazaq Times”