ورتالىق ازيا ەۋروپا مەن ازيانى جالعايتىن ستراتەگيالىق ماڭىزعا يە ايماق – دەپ مالىمدەدى ەۋرووداقتىڭ ورتالىق ازياداعى ارنايى وكىلى پەتەر بۋريان.

پەتەر برۋيان استانا قالاسىندا وتكەن «ەۋرووداق پەن ورتالىق ازيانىڭ قارىم-قاتىناسىنا 25 جىل: وتكەننەن بولاشاققا دەيىن» اتتى كونفەرەنتسيادا ورتالىق ازيا جونىندە مالىمدەمە جاساعان. وندا ول: «مەن قاتەلەسپەسەم ورتالىق ازيا ەلدەرىنىڭ باسشىلارى ناۋرىز ايىندا استانادا باس قوسادى. ءبىز بۇنداي باستامالاردى قاشان دا قولدايمىز. ءبىز ايماق باسشىلارىنىڭ ەشقانداي دەلدالداردىڭ قاتىسۋىنسىز كەلىسىمگە كەلىپ، سىرتقى كۇشتەرگە قارسى تۇراتىن ءوز ستراتەگيالىق جوسپارلارىن قۇرعانىن قالايمىن. ءبىز ورتالىق ازيانىڭ شىن مانىندە دامۋىن قالايتىن تاراپتارمەن جۇمىس ىستەۋگە دايىنبىز. ەۋرووداق ورتالىق ازيا ەلدەرىنىڭ ەكونوميكاسىن مودەرنيزاتسيالاۋعا كومەكتەسە الادى» - دەگەن.

ەستەرىڭىزگە سالايىق، بۇعان دەيىن باق بەتتەرىندە «ناۋرىز ايىندا استانا قالاسىندا ورتالىق ازيا ەلدەرى باسشىلارىنىڭ ءسامميتى وتەدى» دەگەن اقپارات تاراعان بولاتىن. ونى ۇيىمداستىرۋعا قازاقستان پرەزيدەنتى نۇرسۇلتان نازارباەۆ پەن وزبەكستان باسشىسى شاۆكات ميرزيەەۆ مۇرىندىق بولعان.

“The Qazaq Times”