ءسۇريانىڭ افرين قالاسىنداعى تۇرىك اسكەرىمەن سوعىستا كۇرد ساربازدارىنا كومەك كورسەتۋ ءۇشىن ۇكىمەت اسكەرى كەلدى، - دەپ حابارلايدى Al Jazeera اقپارات اگەنتتىگى.
كۇردتەر وداعىنىڭ وكىلى نۋري ماحمۋد (Nouri Mahmoud): ء"سۇريا ۇكىمەتى ءوتىنىشىمىزدى قابىلداپ، ەل شەكاراسى مەن تۇتاستىعىن ساقتاۋعا اتسالىسۋعا ءوز اسكەرىن جىبەردى" ، - دەدى.
بىرىككەن كورولدىكتىڭ ادام قۇقىقتارى جونىندەگى سۇريالىق وبسەرۆاتورياسى سەيسەنبى كۇنى تۇستەن كەيىن جۇزدەگەن سارباز افرين قالاسىنا كىرگەنىن راستادى. داماسك ساربازدارى افرين قالاسىنا كىرىپ كەلە جاتقاندا تۇرىك اسكەرى ەسكەرتۋ رەتىندە بىرنەشە رەت وق اتتى.
تۇركيانىڭ مەملەكەتتىك انادولۋ اقپارات اگەنتتىگىنىڭ مالىمەتىنشە، افرينگە باسىپ كىرۋگە تىرىسقان تەررورلىق توپتار ەسكەرتۋدەن كەيىن قالادان شامامەن 10 شاقىرىمعا الىستادى. سۇريالىق سانا اگەنتتىگى تۇرىك ارتيللەرياسىنىڭ وق اتقانىن راستاعانىمەن، ارتقا شەگىنۋ جايلى ەشنارسە جازبادى.
تۇركيانىڭ ءسىم-ءى مەۆليۋت چاۆۋشوگلۋ (Mevlut Cavusoglu) دۇيسەنبى كۇنى ء"سۇريا ءبىزدىڭ كۇردتەرمەن سوعىسىمىزعا ارالاساتىن بولسا، تۇرىك اسكەرى ولارعا جاۋاپ بەرەدى" دەگەن بولاتىن.
انكارا وتكەن ايدا ءوز اسكەرىن ءسۇريا سولتۇستىگىنە ءوز شەكاراسىن قورعاۋ ماقساتىندا جىبەرگەن بولاتىن. اقش قاراماعىنداعى ء"سۇريا دەموكراتيالىق كۇشتەر" ۇيىمىنىڭ قۇرامىنا كىرەتىن كۇردتەر وداعى يگيل-عا شابۋىل جاساعاننان كەيىن ءسۇريانىڭ سولتۇستىگىندەگى ءبىراز ايماقتى ءوز باقىلاۋىنا الدى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى