2017 جىلى قازاقستاننىڭ سىرتقى ساۋدا اينالىمى 77,6 ملرد دوللاردى قۇرادى جانە بۇل 2016 جىلمەن سالىستىرعاندا 25 پايىزعا جوعارى بولىپ وتىر.

ءبىر جىل ىشىندە مەملەكەتتىڭ ەكسپورت كولەمى 48,3 ملرد دوللار بولعان. كورسەتكىش ءبىر جىل بۇرىنعىمەن سالىستىرعاندا 31,6 پايىزعا وسكەن. ال يمپورت كولەمى 15,5 پايىزعا ارتىپ، 29,3 ملرد دوللاردى قۇرادى.

ەۋرازيالىق ەكونوميكالىق وداق ەلدەرىمەن ءوزارا ساۋدا اينالىمى 25,9 پايىزعا ءوسىپ، 17 ملرد دوللارعا جەتتى. قازاقستان وداق ەلدەرىنە 5,1 ملرد ء(وسىم - 30,2%) دوللارعا تاۋار ساتىپ، ولاردان 12,2 ملرد دوللاردىڭ تاۋارىن (24,1%) ساتىپ العان.

مىسالى  وتكەن جىلى قازاقستاننان رەسەيگە 4,5 ملرد دوللارعا تاۋار ەكسپورتتالعان. ال يمپورت كولەمى 11,4 ملرد دوللاردى قۇرادى. بەلارۋسقا 95,5 ملن دوللارعا تاۋار ساتىلىپ، ولاردان 508 ملن دوللارعا تاۋار ساتىپ الىندى.

قىرعىزستانعا جاسالعان ەكسپورت كولەمى - 503 ملن دوللار . يمپورت كولەمى - 255,2 ملن دوللار. ارمەنياعا ساتىلعان قازاقستاندىق تاۋارلاردىڭ قۇنى 4,4 ملن دوللاردى قۇرادى. ال ولاردان 4,6 ملن دوللارعا تاۋار ساتىپ الىندى.

“The Qazaq Times”