سوڭعى ءبىر اپتادا ءسۇريا اۋماعىندا 300-گە جۋىق رەسەيلىك سارباز كوز جۇمعان – دەپ حابارلايدى Reuters اقپارات اگەنتتىگى.

اگەنتتىك مالىمەتىنشە، ءسۇريانىڭ دەير ەز-زور اۋماعىندا كوز جۇمعانداردىڭ بارلىعى رەسمي كرەملمەن بايلانىسى بار دەلىنگەن «ۆاگنەر» جەكە اسكەري كومپانياسىنىڭ جالدامالى ساربازدارى. Reuters-تىڭ «ۆاگنەر» كومپانياسىنداعى اقپارات كوزىنىڭ سوزىنشە، رەسەيلىك ساربازداردىڭ باسىم كوپشىلىگى اقش باستاعان حالىقارالىق اسكەري كواليتسيانىڭ اۋە شابۋىلى كەزىندە وققا ۇشقان.

ەستەرىڭىزگە سالايىق، اقپان ايىنىڭ 7-ءسى كۇنى اقش باستاعان حالىقارالىق كواليتسيا باشار اساد جاقتاستارىن بومبالاعان بولاتىن. وسىدان كەيىن باق بەتتەرىندە «اقش-تىڭ اۋە شابۋىلى كەزىندە ءسۇريا اۋماعىندا سوعىسىپ جۇرگەن رەسەيلىك جالدامالى ساربازدار كوز جۇمدى» - دەگەن اقپارات تاراعان. بىراق رەسمي ماسكەۋ بۇل اقپاراتتى جوققا شىعارعان.  كەيىننەن اقپان ايىنىڭ 13-ءى كۇنى اقش قارۋلى كۇشتەرى YouTube جەلىسىنە ءسۇريا اۋماعىنداعى رەسەي جالدامالى اسكەرىنە جاسالعان اۋە شابۋىلىنىڭ ۆيدەوسىن جاريالاعان.

“The Qazaq Times”