ۇلتتىق بىرىڭعاي تەستىلەۋ بازاسىنداعى تاپسىرمالار  50%-عا جاڭاردى. بۇل تۋرالى ۇلتتىق تەستىلەۋ ورتالىعىنىڭ ديرەكتورى رامازان الىمقۇلوۆ مالىمدەدى.

ونىڭ سوزىنشە، جىل سايىن ۇلتتىق تەستىلەۋ ورتالىعى مەملەكەتتىك تاپسىرامالار اياسىندا تەست تاپسىرمالارىنىڭ بارلىق ءتۇرىن تەك 35 پايىزعا عانا جاڭارتىپ كەلگەن. الايدا الىمقۇلوۆ وسى جىلى ۇتو بۇل جۇمىسقا بارىنشا جاۋاپتى بولا تۇسكەنىن ايتادى.

سونداي-اق، بازاعا جاڭا سۇراقتار قوسىلعان. 2018 جىلى تەست تاپسىرمالارىنىڭ بازاسى 120 مىڭ سۇراقتان تۇرادى. ال وتكەن جىلى 80 مىڭ بولعان.

"120 مىڭ سۇراقتىڭ 11 پايىزى فۋنكتسيونالدى ساۋاتتىلىقتى ارتتىرۋعا باعىتتالعان. شامامەن 37 پايىزى - ءبىر نەمەسە بىرنەشە دۇرىس جاۋابى بار تەست تاپسىرمالارى. مۇنداي سۇراقتار ءپاندى تەرەڭىرەك تۇسىنۋگە جانە ەستە ساقتاۋ قابىلەتىن ارتتىرۋعا مۇمكىندىك بەرەدى. مىندەتتى پاندەر اراسىنداعى وقۋ ساۋاتتىلىعى، ماتەماتيكالىق ساۋاتتىلىق فۋنكتسيونالدى ساۋاتتىلىقتى انىقتاۋعا باعىتتالعان. بۇل حالىقارالىق، سونىڭ ىشىندە ەكونوميكالىق ىنتىماقتاستىق جانە دامۋ ۇيىمىنىڭ تالاپتارىنا سايكەس كەلەدى", - دەيدى ول.

سونداي-اق، رامازان الىمقۇلوۆ 2018 جىلى تولەمنىڭ جاڭا قىزمەتى ىسكە قوسىلعاندىقتان تۇلەكتەر ۇيدەن شىقپاي-اق، ونلاين رەجيمدە ۇبت-عا دايىندالا الاتىنىن اتاپ ءوتتى.

"ونلاين تەستەن ءوتۋ قۇنى 260 تەڭگە، بۇل كىتاپشانى ساتىپ الۋعا قاراعاندا ارزان. تولەم جاساۋ تۇرلەرىن دە كوبەيتتىك. ەندى ۇيدەن شىقپاي-اق، كارتا، ينتەرنەت-بانكينگ جانە كاسسا-24 تەرمينالى ارقىلى تولەم جاساپ، تەستى ونلاين تاپسىرۋعا بولادى", - دەدى الىمقۇلوۆ.

ايتا كەتەيىك، ۇبت فورماتى 2017 جىلى وزگەرتىلدى. مەكتەپ ءبىتىرۋشى تۇلەكتەر وقۋ ساۋاتتىلىعى، ماتەماتيكالىق ساۋاتتىلىق، قازاقستان تاريحى جانە ءوز تاڭداعان 2 ءپان بويىنشا تەست تاپسىرىپ، ءتيىستى 140 بالدى جيناۋى كەرەك.

“The Qazaq Times”