قر پرەزيدەنتى نۇرسۇلتان نازارباەۆ قر ۇلتتىق بانكىنىڭ توراعاسى دانيار اقىشەۆقا رەتتەۋشى بانك جۇمىسىن تۇزەتۋ بويىنشا زاڭعا وزگەرىس ەنگىزۋدى جەدەلدەتۋ تۋرالى تاپسىرما بەردى.
ۇكىمەتتىڭ كەڭەيتىلگەن وتىرىسىندا ۇلتتىق بانك توراعاسى پروبلەمالى بانكتەردىڭ ءبىرى DeltaBank-ءتىڭ مىندەتتەرىنىڭ 60 پايىزىن كۆازيمەملەكەتتىك سەكتور قۇرايتىنىن جانە RBK-داعى كرەديتتىڭ 90 پايىزى بانكتىڭ اكتسيونەرلەرى نەمەسە سولارمەن بايلانىسى بار ءتورت بورىشكەرگە بەرىلگەنىن ايتتى. الايدا پرەزيدەنت اقىشەۆتى سىنعا الدى.
ء"بىز بۇل ءىستى قاشان اياقتايمىز؟ ءابىليازوۆتىڭ باستاماسىمەن "بتا" بانك بارلىعىنىڭ كوز الدىندا حالىق پەن مەملەكەتتىڭ اقشاسىن ۇرلاپ وتىر. ءبىز بۇكىل الەمگە مۇنىڭ مەملەكەت قارجىسى ەكەنىن دالەلدەدىك. ال قازىر نە بولدى؟ بانك قۇردىق، وعان ادامدار، ۇلتتىق كومپانيالار بارىپ جاتىر. ەندى سول بانك اكتسيونەرلەرى اقشانى ول جەردەن شىعارىپ جاتىر، ال ۇلتتىق بانك وتىرىپ الىپ، ونى باقىلاۋدا. بۇل قالاي بولعانى؟", - دەپ سۇرادى نازارباەۆ.
وسىلاي دەگەن نازارباەۆ بانكتەردى بانكروت رەتىندە تانۋ كەرەكتىگىن ايتتى.
ء"بىز "بانكروت جاساماۋ كەرەك" دەيمىز. بانكروت جاساۋ كەرەك. بولماسا وزدەرىنىڭ اقشالارىن بەرسىن. بۇل اكتسيونەرلەر ەشقايدا كەتىپ قالعان جوق، ءبارى وسىندا. اقشا جيناپ، سوسىن ونى ول جەردەن الىپ كەتۋ ءۇشىن بانكتەردى قۇرادى. تاپا تال تۇستە ۇرلىق بولىپ وتىر", - دەپ اشۋلاندى نازارباەۆ.
ءوز كەزەگىندە اقىشەۆ پروبلەمالى بانكتەردە توكسيندى كرەديتتەردىڭ قالاي پايدا بولعانى تۋرالى ايتتى.
"مۇنداي كرەديت بەرگەن بانكتەر قارىز الۋشىلاردى باعالاۋ پروتسەدۋراسىن جوققا شىعارادى. جەڭىلدىگى بار مولشەرلەمەلەر قولدانىلىپ، قاتاڭ تۇردە كەپىل تالاپ ەتىلمەيدى. سالدارىنان وسىنداي كرەديتتەردىڭ ءبارى قايتارىلماي جاتادى", - دەدى اقىشەۆ.
وسىدان كەيىن پرەزيدەنت پارلامەنت ءماجىلىسىنىڭ توراعاسى نۇرلان نىعماتۋلينگە ءتيىستى زاڭ جوباسىن قاراۋدى تەزدەتۋدى سۇرادى.
"نۇرلان زايروللاۇلى، ۇلتتىق بانك بانكتەردىڭ بارلىق جاي-كۇيىن جانە سول جەردە ءجۇرىپ جاتقان بارلىق قاراجات ەسەبىن تۇپكىلىكتى قاراۋ قۇقىعىنا يە بولۋ ءۇشىن وعان (دانيار اقىشەۆقا - رەد.) ءتيىستى زاڭ جوباسىن ەنگىزۋدى تاپسىردىم. سىزدەن وسىنى قاراستىرۋدى جەدەلدەتۋدى سۇرايمىن", - دەدى پرەزيدەنت.
ايتا كەتەيىك، نۇرسۇلتان نازارباەۆ 2017 جىلدىڭ 3 اقپانىندا بولعان ۇكىمەتتىڭ كەڭەيتىلگەن وتىرىسىندا كەرىسىنشە، ۇلتتىق بانكتىڭ جاقسى جۇمىس اتقارعانىن جانە اقىشاۆقا ەشكىمنەن قورىقپاۋ كەرەكتىگىن ايتقان بولاتىن. "ۇلتتىق بانك قارجى جۇيەسىن رەتتەگەن سايىن ونىڭ باسشىسىنا شابۋىلدار كوبەيدى. مۇنى وسى زالدا وتىرعان اكتسيونەرلەر مەن دەمەۋشىلەر جاسايدى. ەشكىمنەن قورىقپا» – دەگەن ەدى سول كەزدە پرەزيدەنت ۇلتتىق بانك توراعاسى دانيار اقىشەۆقا.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى