وڭتۇستىك كورەيانىڭ پرەزيدەنتى ءمۇن جاين (Moon Jae-in) مالىمدەمەسىندە، قۇرامىندا كيم جوڭ ۋننىڭ قارىنداسى بار سولتۇستىك كورەيانىڭ جوعارى دارەجەلى دەلەگاتسياسىن تۇسكى اس كەزىندە اقش ۆيتسە-پرەزيدەنتى مايك پەنسپەن كەزدەسۋىن جوسپارلاپ جاتقاندارىن ايتتى. دەگەنمەن، كەزدەسۋدە سولتۇستىك كورەيانىڭ يادرولىق ماسەلەسىنە بايلانىستى ديالوگ بولادى دەپ ۋادە بەرە المايتىنىن  جەتكىزدى. بۇل تۋرالى «WSJ» باسىلىمى  حابارلادى.

اتالعان مالىمەتكە قاراعاندا، كەزدەسۋ سەنبى كۇنگە جوسپارلانعان جانە بۇل ەكى كورەي ەلى اراسىنداعى جوعارى دەڭگەيدەگى كەزدەسۋدىڭ وڭتۇستىك كورەيادا العاش رەت بولۋى. كەزدەسۋدىڭ باستى ماقساتى - ەكى كورەي جۇرتىنىڭ قارىم-قاتىناسىن جاقسارتۋ.

دەگەنمەن، پيوڭچاڭ وليمپياداسى باستالۋ قارساڭىندا سولتۇستىك كورەيا اسكەري پاراد وتكىزدى. اسكەري شەرۋدى باقىلاۋشىلاردىڭ ايتۋىنشا، بۇل رەتكى شەرۋ بۇرىنعىلاردان ءبىرشاما تومەن دەڭگەيدە بولعان. سوعان قاراپ، كيم جوڭ ۋننىڭ ماقساتى قىسقى وليمپيادا كەزىندە ءوز رەجيمىن بارىنشا قاتەرلى ەتىپ كورسەتۋگە تىرىسىپ وتىرعانىن بىلۋگە بولادى.

وڭتۇستىك كورەيا پرەزيدەنت اكىمشىلىگى جاساعان مالىمەتتە، پيوڭچاڭ وليمپياداسىنىڭ اشىلۋ سالتاناتىنا كيم جوڭ ۋننىڭ قارىنداسى كيم يو جوڭ دا قاتىسادى.

“The Qazaq Times”