ەمما يانگ ەسىمدى 14 جاستاعى بالا التسگەيمەر اۋرۋىنا شالدىققاندارعا كومەكتەسەتىن ءموبيلدى قوسىمشا ويلاپ تاپتى.

Microsoft كومپانياسىنىڭ نەگىزىن قالاۋشى بيلل گەيتس ءوزىنىڭ رەسمي پاراقشاسىندا اجەسىنىڭ جانۇياسى مەن جاقىندارىن تانىماي قينالعانىن كورىپ وسكەن ەمما يانگ ەسىمدى جەتكىنشەكتىڭ (Emma Yang) ادامنىڭ بەت-الپەتىن تانۋ فۋنكتسياسى مەن  جاساندى ينتەللەكت مۇمكىندىگىن پايدالانۋ ارقىلى اجەسى مەن باسقا دا اۋرۋلارعا كومەكتەسكىسى كەلەتىنى تۋرالى ايتقان.

ەممانىڭ ءوزى تەحنولوگيا تۋرالى: "شامامەن 7-8 جاسار كەزىمدە اجەمنىڭ تىم ۇمىتشاق بولىپ كەتكەنى ەسىمدە. التسگەيمەر اۋرۋى سالدارىنان ۋاقىت وتە كەلە ونىڭ ەستە ساقتاۋ قابىلەتى تەك ناشارلاي بەردى. سول سەبەپتى بۇل اۋرۋدىڭ تەك سونىمەن اۋىراتىن ادامعا عانا ەمەس، ونىڭ جاقىندارىنا دا قالاي اسەر ەتەتىنىن مەن جاقسى بىلەمىن. تەحنولوگيانى پايدالانۋ ارقىلى ولاردىڭ ءومىرىن جەڭىلدەتكىم كەلەدى" - دەيدى.

ەممانىڭ قوسىمشاسى "ماڭگى" (Timeless) دەپ اتالادى. ول ءالى دە جەتىلدىرىلىپ جاتىر. جوسپار بويىنشا، ەمدەلۋشىلەر قوسىمشادان دوستارى مەن وتباسى مۇشەلەرىنىڭ سۋرەتتەرىن تابا الادى. ال قوسىمشا ولاردىڭ ەمدەلۋشىگە كىم بولىپ كەلەتىنىن ايتادى. سونىمەن قاتار ەمدەلۋشى بىرەۋگە قايتا-قايتا قوڭىراۋ شالۋعا تىرىسسا، قوسىمشا "سەنىمدىسىز بە؟ ءسىز وعان 2 مينۋت بۇرىن عانا حابارلاستىڭىز" دەگەن ەسكەرتۋ جاسايدى. "مەن" دەگەن پاراقشاعا وتسە، ەمدەلۋشى ءوزىنىڭ ەسىمىن، جاسىن، تەلەفون ءنومىرى مەن مەكەن-جايىن كورە الادى.

قوسىمشانىڭ كەلەسى پيلوت نۇسقاسىن جاساۋ ءۇشىن ەمما كراۋدفاندينگ ارقىلى قارجى جيناپ جاتىر.

“The Qazaq Times”