رەسەيدىڭ كونستيتۋتسيالىق سوتى الەكسەي ناۆالنىيدىڭ پرەزيدەنتتىك سايلاۋ تۋرالى فەدەرالدىق زاڭعا شاعىمىن قاراۋدان باس تارتتى. بۇل تۋرالى 18 قاڭتاردا سوت سايتىندا حابارلاندى. وپپوزيتسيالىق ساياساتكەر ءىستى بولعانداردى سايلاۋعا قاتىستىرمايتىن زاڭعا شاعىمدانعان.

ءوتىنىشتىڭ قارالمايتىنى تۋرالى شەشىم بار بولعانى ءۇش كۇننىڭ ىشىندە شىعارىلعان. ناۆالنىيدىڭ جەمقورلىققا قارسى قورىنىڭ زاڭگەرى يۆان جدانوۆتىڭ ايتۋىنشا، رەسەي پرەزيدەنتى ۆلاديمير ءپۋتيننىڭ اننەكسيالانعان قىرىمدى قوسىپ الۋ ماسەلەسىنە قاتىستى ساۋالىنا عانا بۇدان تەز جاۋاپ بەرىلگەن.

الەكسەي ناۆالنىي كونستيتۋتسيالىق سوتقا شاعىمدى 16 قاڭتاردا وتكىزگەن.

25 جەلتوقساندا ورتالىق سايلاۋ كوميسسياسى ناۆالنىيدى پرەزيدەنتتىككە ۇمىتكەر رەتىندە تىركەۋدەن باس تارتقان ەدى. وعان "كيروۆلەس" ءىسى بويىنشا شىعارىلعان سوت ۇكىمى تۇرتكى بولعان. 30 جەلتوقساندا رەسەيدىڭ جوعارعى سوتى سايااتكەردىڭ وسك شەشىمىن زاڭسىز دەپ تانۋ تۋرالى شاعىمىن قاناعاتتاندىرمادى. وپپوزيتسيا وكىلى بۇنىڭ بارلىعىن زاڭسىز دەپ اتاپ، 28 قاڭتاردان سايلاۋشىلاردىڭ ەرەۋىلىن باستايتىنىن مالىمدەگەن.

“The Qazaq Times”